මහ මැතිවරණය ජුනි 20 වැනි දින පැවැත්වීමට නොහැකි තත්ත්වයක් උදා වුවහොත් එතැන් සිට දින 14 ක් ගත වූ පසුව යළිත් වෙනත් ඕනෑම දිනයක් ප්‍රකාශයට පත් කිරීමේ බලය මැතිවරණ කොමිෂන් සභාවට පවතින බව ‘ෆැපරල්’ සංවිධානය පවසයි.

පවතින තත්ත්වය අනුව සෞඛ්‍යාරක්ෂිතව මැතිවරණය පැවැත්විය යුතු වුවත් මැයි 10 දිනෙන් පසුවවත් ඒ සඳහා සුදුසු වටපිටාවක් ඇති බවට සෞඛ්‍ය අංශයෙන් තීරණයක් අවශ්‍ය වේ.

එසේ නොවුවහොත් ජුනි 20 වැනි දින මැතිවරණය පැවැත්වීම ගැටලු සහගත තත්ත්වයක් මතුවන බැවින් එතැන් සිට දින 14 ක් ගිය පසුව එනම් ජූලි 04 වැනිදායින් පසු යළි මැතිවරණය පැවැත්වීමේ දිනයක් ප්‍රකාශයට පත් කිරීමේ බලයත් මැතිවරණ කොමිසමට හිමිවන බව ෆැපරල් විධායක අධ්‍යක්ෂ රෝහණ හෙට්ටිආරච්චි සඳහන් කරයි.