නේපාලයේ රැඳී සිටි  ශ්‍රී ලාංකික සිසුන් රැගත් ශ්‍රී ලංකන් ගුවන් සේවයේ විශේෂ ගුවන් යානය කටුනායක ජාත්‍යන්තර ගුවන්තොටුපලට පැමිණ ඇත.

ශ්‍රී ලංකන් ගුවන් සේවයේ යු.එල්.1425 දරණ ගුවන් යානය අද පස්වරු 3.30ට පමණ ගුවන්තොටුපලට ළගා වු බවයි අද දෙරණ ගුවන්තොටුපල වාර්තාකරු පැවසුවේ.

දිවයිනට පැමිණි සිසුන් පිරිස නිරෝධායන මධ්‍යස්ථානය වෙත යොමු කිරීමට කටයුතු කළ බවයි අප වාර්තාකරු සඳහන් කළේ.

කොවිඩ් නයින්ටීන් වෛරසය හේතුවෙන් දුෂ්කරතාවට පත්ව සිටින සිසුන් 93දෙනෙකු රැගෙන ඒම සඳහා කාර්යය මණ්ඩලයේ අට දෙනෙකුගෙන් සමන්විත මෙම විශේෂ ගුවන් යානය අද 8ට උදෑසන නේපාලයේ කත්මණ්ඩු නුවර බලා පිටත්ව ගියේය.