අන්තර් ක්‍රීඩා සමාජ පළමු පෙළ ක්‍රිකට්‌ තරගාවලියේ එන්. සී. සී. පිල නියෝජනය කරන ලසිත් මාලිංග ඊයේ (14 දා) සී. සී. සී. කණ්‌ඩායම සමග පැවැති තරගයේදී ලකුණු 24 ට කඩුලු 4 ක්‌ දවා ගනිමින් සිය පළමු පෙළ කඩුලු දහසේ සීමාව පසුකර යැමට සමත් විය.

34 හැවිරිදි ලසිත් මාලිංග පළමු පෙළ තරග 84 කදී කඩුලු 257 ක්‌ද, පළමු පෙළ එක්‌දින තරග 261 කදී කඩුලු 393 ක්‌ද, පළමු පෙළ විස්‌සයි විස්‌ස තරග 256 කදී කඩුලු 352 ක්‌ද වශයෙන් දවා ගනිමින් මේ වන විට සමස්‌ත පළමු පෙළ කඩුලු සංඛ්‍යාව 1002 දක්‌වා ඉහළ දමා ගැනීමට සමත්ව තිබේ.

ජාතික කණ්‌ඩායමේ ස්‌ථානය අහිමි වීමෙන් පසුව දිගින් දිගටම පළමු පෙළ තරග ක්‍රීඩා කරමින් සුපුරුදු රිද්මය සොයා යන මාලිංග පසුගියදා අවසන් වූ පළමු පෙළ විස්‌සයි විස්‌ස තරගාවලියේ වැඩිම කඩුලු ලාභියාද විය.