ශ්‍රී ලංකාවේ ජනගහණයෙන් භාගයකට ප්‍රමාණයක් වාසය කරන එහෙත් ශ්‍රී ලංකාවට පැමිණෙන සංචාරකයින් මෙන් දෙගුණයකට වැඩි සංචාරකයින් පැමිණෙන කියුබාව කොරෝනා අනතුර වැඩි රටකි. මාර්තු මස 11 දින හමුවන රෝගීන් තිදෙනා මඉතාලි ජාතිකයින් විය.

එහෙත් මාර්තු 16 දින මහමුහුදේ අතරමංව සිටි මඟීන් 1000 ක් රැගත් ” එම්.එස් බ්‍රිටර් ” මගි නෞකාව ඇමරිකාව ඇතුළු කලාපයේ රටවල් ප්‍රතික්ෂේප කරන විට කොරෝනා රෝගීන් 10 ක් ඇතුළු මඟීන්ට රට තුලට ඒමට කියුබාව ඉඩ දුනි.

මුල් දිනවල ක්‍රමයෙන් උත්සන්න වූ රෝගය පාලනය කිරීම සඳහා දිනකට 500 බැගින් ස්ක්‍රීන් පරීක්ෂණ වලට භාජනය කළ අතර ඒ නිසා සමාජයේ සිටි රෝගීන් වැඩි වශයෙන් හඳුනා ගැනීමට හැකි විය.

එහෙත් දැන් ඔවුන් සමාජයේ රෝගීන් වැඩි වශයෙන් සොයා ගත් නිසා රෝගය මැනවින් පාලනය කොට ඇත. ඔවුන්ගේ සොයා ගැනීමක් වන ” ඉන්ටර්ෆෙරෝන් ” නම් ඖෂධය නිසා මරණ අනුපාතය ඉතා අඩු වූ බවද දැක ගන්නට හැක.