කොරෝනා වයිරසය ( COVID-19 ) භාවිතා කරන ලද ගෝස් මුහුණු ආවරණයක සතියක් දක්වා කාලයක් නොනැසී පැවතිය හැකි බව හොංකොං විශ්ව විද්‍යාලයේ සහ ඇමරිකානු ජාතික අසාත්මිකතා හා බෝවන රෝග පිළිබඳ ආයතනයේ විශේෂඥ කණ්ඩායමක් පවසයි.

විවිධ පෘෂ්ඨයන්හි කාමර උෂ්ණත්වයේදී රසායනාගාර තත්වයන් යටතේ මෙම අධ්‍යයනයන් සිදු කරන ලදී.

එහි දී වෛරසය මුද්‍රන කඩදාසි මත පැය තුනකට වඩා අඩු කාලයක් පැවති අතර සකස් කළ ලී සහ කපු රෙදි මත දින දෙකක් දක්වා පැවතුණි. වීදුරු සහ මුදල් නෝට්ටු වල, වෛරසය සම්පූර්ණයෙන්ම ඉවත් වීමට දින හතරක් ගත විය. මල නොබැඳෙන වානේ සහ ප්ලාස්ටික් මත එය දින 4 සිට 7 දක්වා පැවතුණි.

සාම්ප්‍රදායික ගෘහස්ථ විෂබීජ නාශක මගෙන් වෛරසය විනාශ කිරීමට හැකිබවද විද්‍යාඥයෝ මෙහිදී සොයා ගත්හ. විශේෂයෙන් නිතර දෑත් සේදීමෙන් හා සනීපාරක්ෂාව පිළිබඳ සැලකිලිමත් වීමෙන් තමන්ගේ ආරක්ෂාව සලසාගත හැකි බව ඔවුන්ගේ වාර්තාවේ දැක්වේ.

මූලාශ්‍ර
news.mail.ru