ඊයේ දින (7) මාධ්‍ය වැඩ සටහනකදී සෞඛ්‍ය අංශ ප්‍රධානියෙකු විසින් PCR  පරීක්ෂණ යනු ” ගෝල්ඩ් ස්ටෑන්ඩටී ” හෙවත් රන් ප්‍රමිතියේ පරීක්ෂණයක් බව සහ එහි සංවේදීතාව 100% ලෙස සඳහන් කිරීම නිසා ලංකා ලීඩ් පර්යේෂණ ඒකකයේ යුතුකමක් ලෙස මහජන දැන ගැනීම පිණිස මෙම සටහන තැබේ.

ජාත්‍යන්තර ප්‍රමිතීන්ට අනුව කොවිඩ් – 19 රෝගයේ (සායනිකව) රොග විනිශ්චය සඳහා  ගෝල්ඩ් ස්ටෑන්ඩටී හෙවත් රන් ප්‍රමිතිය ලෙස සැලකෙන්නේ CT – SCAN පරික්ෂාවය. PCR පරීක්ෂණයේ සංවේදීතාවය 70% කි. එහෙත් සෙම සාම්පලය ගන්නා ආකාරය, ප්‍රවාහනය කරන ආකාරය සහ සැපයුම් වල ගුණාත්මක තත්වය අනුව එම අගය පහත වැටිය හැක. එනම් රෝගීන් 100 ක් පරික්ෂා කරන විට 30 දෙනෙකුගේ වැරදි නිශේධාත්මක ප්‍රතිඵල ලැබිය හැක. ඒ නිසා එක් රෝගියෙකුගේ රෝග විනිශ්චය සහ ප්‍රතිකාරවලින් පසුව මුදා හැරීම සඳහා PCR පරීක්ෂණ 3-5 අතර ප්‍රමාණයක් අවශ්‍ය විය හැක.