බ්‍රිතාන්‍යය අගමැතිවරයා COVID-19 වෛරසය ආසාදනය වීම හේතුවෙන් පෙරේදා(05)  රෝහල්ගත කළ අතර මේ වන විට ඔහුගේ රෝගී තත්වය උත්සන්න වීම හේතුවෙන් දැඩි සත්කාර ඒකකයට ඇතුලත් කළ බව එරට ප්‍රවෘත්ති සේවා වාර්තා කර සිටී.

එරට රෝහල් ආරංචි මාර්ග පවසා සිටින්නේ අගමැතිවරයා තවමත් යහපත් සිහි කල්පනාවෙන් සිටින බවයි.මේ අතර බ්‍රිතාන්‍යයේ වැඩ බලන අගමැතිවරයා ලෙස එරට විදේශ ලේකම් ඩොමිනික්  රැබ් මහතා පත් කර ඇති බව මාධ්‍යය වාර්තා පවසා සිටී.

මහා බ්‍රිතාන්‍යයෙන් ලැබෙන නවතම වාර්තාවලට අනුව වෛරසය ආසාදිතයින් 51,608 දෙනෙකු මේ වන විට හමුවී ඇති අතර 5,373 මරණයට පත් වී ඇත.