ශ්‍රී  ලංකා මහ බැංකුවේ මුදල් මණ්ඩලය ඊයේ(03) සිට ක්‍රියාත්මක වන පරිදි මහා බැංකු පොළී අනුපාත පදනම් අංක 25 කින් අඩු කිරීමට තීරණය කර ඇත.

මේ අනුව ශ්‍රී ලංකා මහ බැංකුවේ නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය ((SLFR)) පිළිවෙලින් සියයට 6.00 සහ සියයට 7.00 දක්වා පදනම් අංක 25කින් ඊයේ(03)   දින ව්‍යාපාර කටයුතු අවසාන වන වේලාවේ සිට බලපැවැත්වෙන පරිදි අඩු කිරීමට තීරණය කර ඇත.

මෙම තීරණය මගින් වෙළෙඳපොළ තත්ත්වයන් ලිහිල් කිරීම සඳහා දැනටමත් ගෙන ඇති ක්‍රියාමාර්ග සඳහා සහායක් ලැබෙන අතර, COVID-19 වෛරස  ගෝලීය වසංගතය මගින් සහ එය රට තුළ තවදුරටත් පැතිරයාම පාලනය කිරීම සඳහා ගෙන ඇති ක්‍රියාමාර්ග මගින් බලපෑමට ලක් වූ ව්‍යාපාර සහ පුද්ගලයන් වෙත දේශීය මූල්‍ය වෙළෙඳපොළ මගින් තවදුරටත් සහන සැලසීමට අවකාශ ලැබෙනු ඇතැයි මහා බැංකුව පවසයි.

Divaina