අසල්වැසි ඉන්දියාව මුහුණ දී ඇති COVID-19 වසංගතයෙන් බේරා ගැනීම සඳහා සති තුනක කාලයක් මුළු ඉන්දියාවටම ඇඳිරි නීතිය පැන වීමට ඉන්දීය අගමැති නරේන්ද්‍ර මෝඩි මහතා කටයුතු කර සිටියේ 24 වනදා මැදියම් රැයේදී සිටය.

ඉන්දියාව වැනි දුප්පතුන් විශාල පිරිසක් එරට නගර ආශ්‍රිතව ජීවත් වන තත්වයක් තුළ සති තුනකට ඇඳිරි නීතිය පැනවීම එම ජනතාවට අතිශය දුෂ්කරතා වලට මුහුණ පෑමට සිදු වේ.

එහෙත් එම දුෂ්කරතා ඉවසා දරා ගෙන වසංගතයෙන් බේරී සිටිනවාද නැතහොත් සුළු කාලයක් කුස පුරවා ගෙන වසංගතය වැලඳ ගන්නවාද යන තෝරා ගැනීම් දෙකෙන් ඉන්දියාව දෙවැනි තෝරා ගැනීම ඉතා නිර්භීතව කරනු ලැබීය.

කෙසේ වුවත් සෞඛ්‍යය බළධාරීන්ට රජය ගත් තීරණයට අනුව ජනතාව හසුරුවා ගැනීම ලේසි පහසු නැත.එම නිසාම ඉන්දීය පොලීසිය සහ ඉන්දීය හමුදාව ඒ වෙනුවෙන් යොදා ගැනීමට අගමැති මෝඩි ගේ ආන්ඩුවට සිදුවිය. ඒ අනුව ඇඳිරි නීතිය අකුරටම ක්‍රියාත්මක කිරීමේ වගකීම ඉන්දීය පොලිසිය ඉහලින්ම ඉටු කරමින් සිටින්නේ ඇඳිරි නීති රෙගුලාසි කඩ කරන ඉන්දීය පුරවැසියන්ට එලව එලවා පහර දීමෙනි.

නමුත් එයට එරෙහිව හඬ නැගීමට විරුද්ධ පක්ෂයක් හෝ මාක්ස්වාදී ඉන්දීය පක්ෂ මෙතෙක් පෙරට විත් නැත. පහත පලවන්නේ ඉන්දීය පොලීසිය ඇඳිරිනීතිය අකුරටම පිළි පදින වීඩියෝ දර්ශනයි.

ජීවන්ත ජයතිස්ස
jeewanthaj@gmail.com