විදේශ පුවත්

දැනට COVID-19 වෛරසය වේගයෙන් පැතිර යන රටක් ලෙසත් වෛරසය පැතිරීයාම පාලනය කිරීමට ප්‍රමානවත් ක්‍රියාමාර්ග ගෙන නැති රටක් ලෙසත් හඳුනාගෙන ඇති අමෙරිකා එක්සත් ජනපදය තුළ සිරවී සිටින වෙනිසියුලානුවන් 800 දෙනෙකු ආපසු සියරටට ගෙන්වා ගැනීමට වෙනිසියුලානු රජය ගන්නා උත්සාහය අමෙරිකානු රජය විසින් වලක්වා ඇති බව විදෙස් මාධ්‍යය පවසා සිටී. ඒ සම්බන්ධයෙන් ට්වීටර් පණිවිඩයක් නිකුත් කරන වෙනිසියුලානු විදේශ අමාත්‍යය ජොර්ජ් අරෙයිසා මහතා පවසා සිටින්නේ ” වෙනිසියුලානු තානාපති සේවයේ යාන්ත්‍රණය තුළ ලියාපදිංචී වී සිටින 800කට වැඩි අමෙරිකාවේ සිටින වෙනිසියුලානුවන් පිරිසක් ආපසු කැඳවා ගැනීමට අමෙරිකානු රජය පනවා ඇති සම්බාධක හේතුවෙන් වෙනිසියුලානු ගුවන් සේවයේ ගුවන් යානා එරටට ඇතුලු වීමටත් ඔවුන්ව ආපසු ගෙන්වා ගැනීමටත් බරපතල ලෙස හානි පමුණුවා තිබෙනවා.” යනුවෙනි.

මේ සම්බන්ධයෙන් නිවේදනයක් නිකුත් කරන වෙනිසියුලානු ජනාධිපති නිකොලොස් මදුරෝ පවසා සිටින්නේ “මම අමෙරිකානු ආන්ඩුවට බල කර කියා සිටීමට කැමතියි, මානුෂීය හේතු මත සම්බාධක ලිහිල් කිරීමට කිසිදු බාධාවක් තිබිය නොහැකියි කියා.ඒ වගේම මගේ රටේ ජනයාට නැවත තම මව් රටට පැමිණීමට උවමනා නම් ලෝකයේ ඕනෑම තැනකට අපේ ගුවන් යානයක් යවා ඔවුන්ව රැගෙන ඒමට අප සූදානම් ” යනුවෙනි.

ජෝන් හොප්කින්ස් ආයාතනයේ සංඛ්‍යා දත්ත වාර්තා වලට අනුව වෙනිසියුලාව තුළ COVID-19 වෛරසය ආසාදිතයන් ඇත්තේ 84ක් පමණි. නමුත් අමෙරිකාව තුළ COVID-19 ආසාදිතයන් 50000 ඉක්මවා සොයාගෙන ඇති අතර COVID-19 වෛරසය පැතිරී යාම සම්බන්ධයෙන් කරනු ලබන ගනනය කිරීම් වලදී අමෙරිකාව දැනට ලෝකයේ තුන්වන විශාලතම තැවි තිත(Hot Spot )බවට පත්වී ඇත. තවද මේ වන විට චීනය මෙන්ම ඉරානයද තවත් රටවල විවිධ නායකයෝද COVID-19 වෛරසය අමෙරිකානු නිෂ්පාදනයක් බවත් එය හිතාමතා තම රටවල් අපහසුතාවයට පත් කිරීමට යොදා ගත්තක් බවත් යන චෝදනාව එල්ල කරමින් පවතී.

ජීවන්ත ජයතිස්ස



Leave a Reply

Your email address will not be published. Required fields are marked *

ප‍්‍රධාන පුවත්

ලෝක සෞඛ්‍යය සංවිධානයට ආධාර කිරීම නවතා දමනවා – ඩොනල්ඩ් ට්‍රම්ප්

ලෝක සෞඛ්‍යය සංවිධානයේ විශාලතම දායකයා වන අමෙරිකා එක්සත් ජනපදය එම සංවිධානයේ සාමාජික රටවල් 194 ම COVID-19 වෛරසය ආසාදනය හේතුවෙන් බරපතල...


Read More

කොරෝනා පරීක්ෂණ අවුල ගැන වෛද්‍ය පර්යේෂණායතනයේ අධ්‍යක්ෂවරයාගේ පුද්ගලික මතය ලෝක සම්මතයට පටහැනියි – ලංකා ලීඩ් පර්යේෂණ ඒකකය

ලංකා ලීඩ් පර්යේෂණ ඒකකය මේ වන විට කොරෝනා වසංගත පාලනයට අදාළව ලෝකය පුරා ප්‍රකාශයට පත්වන මතවාද සහ ඒ ආශ්‍රිත සාක්ෂි ගැඹුරින් අධ්...


Read More

කොරෝනා පාලන වැරදි නිවැරදි කරගැනීම සඳහා ජාතික සංවිධාන වලින් දීර්ඝ උපාය මාර්ගික පැහැදිළි කිරීමක්

ජාතික සංවිධාන නියෝජනය කරමින් ලෝකයේ මේ වන විට අනුගමනය කරන වසංගත පාලන ක්‍රමවේද වල සාර්ථක අසාර්ථක භාවය ගැඹුරින් අධ්‍යයනය කොට ව...


Read More