මෙවර පැවති පලාත් පාලන මැතිවරණයේ මන්ත‍්‍රී ධුර ගනනය කිරීම දැඩි දෝෂ සහිත බව සන්ධාන පාර්ලිමේන්තු මන්ත‍්‍රී සිසිර ජයකොඩි මහතා පවසයි. සභික දුරයන් පනතට අනුව වෙන් කල හොත් ජනතා විමුක්ති පෙරමුණට මන්ත‍්‍රී ධුර 300ක් අහිමි වනු ඇති බවද ඒ අනුව ජවිපෙට මෙවර ලබා දි ඇති සභික ධුර 432න් 300ක් අඩු වී 132ක් පමණක් ඉතිරි වනු ඇති බවත් ඒ මහතා සදහන් කරයි. එසේම එජාපයට 120ක්, සන්ධානයට 50ක්, ශ‍්‍රී ලංකා පොදුජන පෙරමුණට 08ක් අහිමු වනු ඇතැයිද ඔහු කියා සිටී. මැතිවරණ කොමිසම වෙත මේ සම්බන්ධයෙන් කරුණු පෙන්වා දුන් බවත් පනතට අනුව සභික ධුර වෙන් කරන්නැයි ඉල්ලා සිටි බවත් මන්ත‍්‍රීවරයා පවසයි. මේ සම්බන්ධයෙන් කොමිසම කටයුතු නොකලහොත් නීතිමය ක‍්‍රියාමාර්ග ගන්නා බවද ඔහු වැඩි දුරටත් කියා සිටියේය.