චීනයේ හටගත් කොරෝනා වෛරසය හොංකොං දේශයටද පැතිරී ඇතිබව තහවුරු කරමින් වෛරසය වැළඳුනු රෝගීන් 8 දෙනෙකු දැනටමත් සොයාගෙන ඇති බව එරටින් ලැබෙන වාර්තා මගින් තහවුරු වේ.තවත් රෝගීන් තුන්දෙනෙකු එම ලැයිස්තුවට ඇතුලත් වීමට නියමිත බවද එරට සෞඛ්‍ය බලධාරීහු නිවේදනය කර ඇත.

ඇතිවී තිබෙන තත්වය පාලනය කිරීම පිණිස හොංකොං බලධාරීහු හදිසි තත්වයක් ප්‍රකාශයට පත් කළ අතර හඳුනාගන්නා රෝගීන් වෙන්කර තැබීමේ නිරෝධායන මධ්‍යස්ථාන පිහිටුවීමටද කටයුතු කර ඇත. නමුත් බීජිං විරෝධීන් පිරිසක් හොංකොං රාජ්‍යයේ එම වැඩපිළිවෙළ කඩාකප්පල් කිරීමේ අරමුනින් එම නිරෝධායන මධ්‍යස්ථාන වලට ගිනිතැබීමට පටන් ගෙන ඇතිබව වාර්තාවේ.

ඔවුන්ගේ තර්කය වන්නේ එවැනි මධ්‍යස්ථාන ජනාකීර්ණ ප්‍රදේශවල පිහිටුවීමෙන් නිරෝගී ජනයාටද රෝගය බෝවීමේ තර්ජනයක් ඇති බවයි. කෙසේ වුවද හොංකොං බලධාරීන් පවසන්නේ ඔවුන් මෙම මධ්‍යස්ථාන පිහිටවනු ලැබුවේ රෝගීන් සමඟ සම්බන්ධවුනු එහෙත් රෝග ලක්ෂණ නොපෙන්වන පුද්ගලයන් තම පවුලේ සාමාජිකයන්ගෙන් වෙන් කර තබා නිරීක්ෂණය කිරීමේ සහ ඔවුන්ගෙන් යම් හෙයකින් රෝගය පැතිරවීමේ ඉඩකඩක් තිබුනහොත් එය වලක්වා ගැනීම අරමුණු කරගෙන බවයි.

වසංගත තත්වයක් හටගත් අවධියකදී පවා හොංකොං රාජ්‍යයේ වෙසෙන බීජිං විරෝධීහු මෙලෙස හැසිරෙන්නේ ඔවුන් පිටුපස සිටින අදිසි හස්තය කෙතරම් චීන විරෝධී මතයක සිටින නිසාදැයි තහවුරු වන බව දේශපාලන විශ්ලේෂ්කයෝ පවසති.

ජීවන්ත ජයතිස්ස
jeewanthaj@gmail.com

Protesters set fire to a public building believed to be used as a quarantine site to accommodate #coronarovirus victims in #HongKong.

Super Spreading Event.#CoronavirusOutbreak pic.twitter.com/m6TX88jUYS

— Darren of Plymouth ?? (@DarrenPlymouth) January 26, 2020