මිලේනියම් චැලෙන්ජ් ගිවිසුම (MCC) අනුමැතිය ලබාදීම හරහා ශ්‍රී ලංකාවට ලැබීමට නියමිත ඩොලර් මිලියන 480 ක මුදල ලබාගැනීම ගැනීම රටට වාසිදායක බව මුදල් ඇමතිවරයා ලෙස මිට ඉහතදී පවා අවධාරණය කළ මංගල සමරවිර, ජනාධිපතිවරණ පරාජයෙන් පසුව ද වත්මන් ජනාධිපතිවරයා ගෙන් ඉල්ලා සිටියේ එම ගිවිසුමට අත්සන් කර රටට වැඩක් ගන්නා ලෙසයි.

පසුගිය ආණ්ඩුව විසින් මිලේනියම් චැලේන්ජ් කෝපරේෂන් ගිවිසුම අත්සන් කිරීමට සියලු කටයුතු සූදානම් කර තිබූ මොහොතක ජනාධිපතිවරණ වේදිකාවල සහ නොයෙකුත් සංවිධාන විසින් රටට හතුරු ගිවිසුමක් බවට චෝදනා කළ බවත් වර්තමාන ආණ්ඩුවේ වගකිවයුතු බොහෝ දෙනෙකු මේ වන විට මධ්‍යස්ථ ස්ථාවරයක සිට තීන්දු ගනිමින් සිටීම සතුටට කරුණක් බවද ඔහු අවධාරනය කර සිටියි.

මේ අතර ඊයේ දිනයේ විපක්ෂ නායක සජිත් ප්‍රේමදාස මහතා විසින් MCC,SOFA,SCSA ඇතුළු සියලුම විදෙස් ගිවිසුම් ඉරා දැමිය යුතුබවට ප්‍රකාශයක් කර තිබූ අතර ඊට පිළිතුරු ලෙස අගමැති මහින්ද රාජපක්ෂ මහතා ද මාධ්‍ය වෙත නිවේදනයක් නිකුත් කර තිබුණි.

කෙසේ වෙතත් MCC ගිවිසුම ඇතුළු අනෙකුත් විදෙස් වෙළඳ ලිවිසුම් අත්සන් කිරීම මගින් රටට සිදුවීමට නියමිත අනර්ථය පිළිබඳව මේ වන විටත් බොහෝ විද්වතුන් රටේ ජනතාව හමුවේ අනාවරනය කර අවසන්ය.