බන්ධනාගාරගතව සිටින පාර්ලිමේන්තු මන්ත්‍රී රන්ජන් රාමනායක මහතාගේ සුව දුක් බැලීමට පාර්ලිමේන්තු මන්ත්‍රීවරුන් වන හරීන් ප්‍රනාන්දු,පාලිත තෙවරප්පෙරුම සහ හේෂා විතානගේ යන මහත්වරුන් මැගසින් බන්ධනාගාරයට අද (16) පෙරවරුවේ පැමිණියේය.

රාමනායක මහතාගේ සුව දුක් විමසීමෙන් අනතුරුව බන්ධනාගාරය පිටතට පැමිණි මන්ත්‍රීවරුන් මාධ්‍ය වෙත අදහස් දැක්වීය.

එහිදී අදහස් දැක්වූ පාර්ලිමේන්තු මන්ත්‍රී හරීන් ප්‍රනාන්දු මහතා පැවසුවේ රන්ජන්ගේ හඬපට හරහා රන්ජන්ගේ නිරුවත මෙන්ම රට කරනවන තැන්වල නිරුවත පෙනෙන්නට ඇති බවයි.

මෙම හඬපට හරහා රන්ජන් රාමනායක විනාශ කිරීමේ වුවමනාවක් කණ්ඩායමකට ඇති බවත් අද රට තිබෙන තැන කොතැනද යන්න ද තේරුම් ගැනීමට හැකි වී ඇති බවත් හරීන් ප්‍රනාන්දු මහතා සඳහන් කළේ.

මැතිවරණයක් එන කාලයේදී එක් පුද්ගලයෙකුට පහර ගසමින් සිටින්නේ ඇතැමෙකුගේ හෙළුව වසසා ගැනීමට බවද හෙතෙම කියාසිටියේය.

මේ අතර හේෂා විතානගේ මන්ත්‍රීවරයා අදහස් දක්වමින් පැවසුවේ හැට නව ලක්ෂයක් ජනතාව ගෝඨාභය රාජපක්ෂ මහතාට ජන්දය දුන්නේ මෙවැනි සෙල්ලම් බැලීමට නොවන බවයි.

කෙසේවෙතත් ආණ්ඩුව තවදුරටත් මේ හඬපට සෙල්ලම කරගෙන යන්නේ නම් ඊට ප්‍රති උත්තර දීමට රන්ජන් රාමනායක මහතා සූදානමින් සිටින බවද මන්ත්‍රීවරයා පැවසුවේය.