තායිවාන රාජ්‍යයේ ගුවන් හමුදාපති මෙන්ම මාණ්ඩලික හමුදා ප්‍රධානී තනතුර දරණ ජෙනරාල් ෂෙන් යයී මින්ග් මහතා ගුවන් හමුදා හෙලිකොප්ටර් යානා අනතුරකින් අතුරුදහන් වී ඇති බව වාර්තා වේ.
පසුගිය බ්‍රහස්පතින්දා ඔහු ගමන් කළ  UH-60M  බ්ලැක් හෝක් වර්ගයේ හෙලිකොප්ටර යානය තායිවානයේ උතුරු ප්‍රදේශයේදී  අනතුර සිදුවන අවස්ථාවේ  පුද්ගලයන් 13දෙනෙකු යානයේ සිට ඇති අතර යානය හදිසි ගොඩබෑමකට උත්සහා දැරීමේදී අනතුර සිදුවූ බව තායිවාන ආරක්ෂක අමාත්‍යාංශය පවසයි.
අනතුර සිදූවීමට බලපෑ අවාසනාවන්ත සිදුවීම පිළිබඳ කිසිදු සඳහනක් කිරීමට තායිවාන ආරක්ෂක අමාත්‍යාංශය කටයුතු නොකළද වයඹදිග තායිවානයේ යිලාන් කවුන්ටි ප්‍රදේශයේ මෙහෙයුමකට සහභාගි වී සිටි බව පමණක් සඳහන් කරනු ලැබීය.
තායිවානය ජනවාරි 11 වන දින නව ජනාධිපතිවරයෙකු සහ උප ජනාධිපතිවරෙයෙකු පත් කිරීමට නියමිත මැතිවරණය පැවැත්වීම මුවවිටම පැමිණ තිබියදී සිදුවූ අනතුර එරට දේශපාලන ක්ෂේත්‍රයේ දැඩි කතාබහට ලක්ව තිබේ.
දේශපාලන විශ්ලේශකයන්ගේ විග්‍රහයට අනුව වත්මන් තායිවාන ජනාධිපති ත්සායි ඉන්ග් වෙන් මහතා එළඹෙන මහ මැතිවරණයෙන් නැවත ජනාධිපති වීමට බලා සිටියදී මෙවැනි අනතුරක් සිදුවීම ඔහුගේ ජයග්‍රහනයට අතිශය හානිකර බවයි.