එක්සත් ජාතීන්ගේ මහා සම්මේලනයට රුසියාව ඉදිරිපත් කළ සයිබර් අපරාධ වැලැක්වීම සඳහා සමස්ත ලෝකය පුරා විසිරී සිටින විශේෂඥයන්ට එක්ව කටයුතු කිරීම පහසු කරවන යෝජනාව වැඩි ඡන්දයෙන් සම්මත වී තිබේ.
යෝජනාව කෙටුම්පත් කිරීම සඳහා රටවල් 47ක නියෝජිතයෝ සහභාගී වූ බව වාර්තා වේ.

රටවල් 193ක් නියෝජනය කරනු ලබන එක්සත් ජාතීන්ගේ මහා සම්මේලනය තුලදී රටවල් 79ක් රුසියාව ඉදිරිපත් කළ යෝජනාවට පක්ෂවූ අතර රටවල් 60ක් යෝජනාවට විරුද්ධව ඡන්දය ප්‍රකාශ කලහ.තවද රටවල් 33ක නියෝජිතයෝ ඡන්දය ප්‍රකාශ කිරීමෙන් වැලකී සිටියහ.

රුසියාව ඉදිරිපත් කළ යෝජනාවෙන්, සන්නිවේදන සහ තොරතුරු තාක්ෂනය අපරාධ කටයුතු සඳහා යොදාගැනීම වැලැක්වීම පිණිස ජාත්‍යන්තර සම්මුතියක් සකස් කිරීමට ලෝකය පුරා විසිරී සිටින සියලු ජාතීන්ට අයත් විශේෂඥයන්ගෙන් සැදුම්ලත් කමිටුවක් ගොඩනැගීමට අවශ්‍ය ජාත්‍යන්තර අවකාශය නිර්මානය වූ බව විද්වතුන්ගේ මතයයි.
කමිටුව 2020 අගෝස්තු මාසයේදී සිය මංගල රැස්වීම සිදුකිරීමට නියමිත බව එක්සත් ජාතීන්ගේ සම්මේලනයේ රුසියානු නියෝජ්‍ය නියෝජිතවරයා මාධ්‍යට දන්වා සිටියේය.

ජීවන්ත ජයතිස්ස
jeewanthaj@gmail.com