ලොව පුරා ප්‍රචලිත කෙසෙල් කෙඳි රෙදිපිළි නිර්මාණ කිරීම මේ වන විට ශ්‍රී ලංකාව තුළත් ආරම්භ වී තිබේ.

මෙම නව ව්‍යාපෘතිය ආරම්භ වන්නේ ශ්‍රි ලංකා පේෂකර්ම හා ඇඟළුම් ආයතනය සමග මොරටුව විශ්ව විද්‍යාලයේ පර්යේෂණ අංශයේ සංකල්පයකට අනුවයි.

2016 වසරේදී ඔවුන් ප්‍රථමයෙන් සිදුකර ඇත්තේ, කෙසෙල් කඳෙන් ලබා ගන්නා කෙඳි භාවිත කරමින් නූල් නිෂ්පාදනය කිරීමයි.

මේ වන විට කෙසෙල් කෙඳි 40%ක් සහ කපු නූල් 60%ක් යොදා ගනිමින් රෙදිපිළි, පාවහන්, අත්බෑග් වැනි නිර්මාණ කිරීමට ආරම්භ කර තිබේ.

එම නිර්මාණ එළිදැක්වීම කොළඹ බණ්ඩාරනායක අනුස්මරණ සම්මන්ත්‍රණශාලා පරිශ්‍රයේදී පසුගිය (27)  සිදුකෙරුණේ විෂයභාර අමාත්‍ය විමල් විරවංශ මහතාගේ ප්‍රධානත්වයෙන්.

මේ අතර පසුගිය රජය සමයේ තමන් මුහුණ දුන් ගැටලු පිළිබඳව නව නිපයුම් ප්‍රවර්ධනය කිරීමේ ව්‍යාපාරය ඊයේ(28) මාධ්‍ය හමුවක් පවත්වමින් කරුණු අනාවරණ කළේය.