රටේ ආරක්ෂාව සහ ආර්ථිකය සමෘද්ධි වූ තැන සැබෑ නත්තලක් නිර්මාණය වන බව පූජ්‍ය වෙඬරුවේ උපාලි හිමි පවසයි.

නත්තල වෙනුවෙන් විශේෂ ප්‍රකාශයක් සිදුකරමින් උන්වහන්සේ මේ බව කියා සිටියේය.

එහිදී වැඩිදුරටත් අදහස් දැක්වු උන්වහන්සේ මෙසේ පැවසීය.

“නත්තලේ ප්‍රධාන තේමාව වන්නේ සාමය. ආගම දහම තියෙන්නේ ජනතාව අතර සාමය, සමාදානය, සහෝදරත්වය ගොඩනැංවීමටත් මිනිසා ජීවත් කරවීමටත්.

ආගමික අන්තවාදය, ආගමික ත්‍රස්තවාදය ක්‍රියාත්මක වනවානම් එය ආගමික කතුවරුන්ගේ ඉගැන්වීම නෙවෙයි.

බුදු මැඳුරත් දෙව් මැදුරත් ඉදිවිය යුත්තේ මිනිසුන්ගේ හදවත් තුළයි.

ආගම දහම ඇත්තේ මිනිසා ජීවත් කරවීමට මිස මිනිසා මැරීමට නෙවෙයි.

වර්තමාන රජයට ලොකු වගකීමක් තියෙනවා, මිනිසුන්ට නිදහසේ තමන්ගේ ආගම ඇදහීමේ නිදහස උදා කර දීමට.

රටට ආරක්ෂාව ලබා දීම වගේම දුප්පතා දෙපයින් නඟා සිටුවීම වත්මන් රජයට ඇති තවත් අභියෝගයක්.

රටේ ආරක්ෂාවත්, ආර්ථිකය සමෘද්ධිමත් වුණොත් එතැනයි සැබෑ නත්තල “