අද දින මහනුවර දළදා මාලිගාව අභියසදී හිටපු අමාත්‍ය පාඨලී චම්පික රණවක මහතා ජාතියෙන් සමාව අයැද සිටියේය.

2004 වර්ෂයේදී එක්සත් ජනතා නිදහස් සන්ධානයට ආණ්ඩු බලය ලබාගැනීමට ආසන නොහැකිව සිටියදී ජාතික හෙළ උරුමය සතු ආසන 9 ද එම සන්ධානයට ලබාදෙමින් සන්ධාන රජයක් පිහිටුවීමට සහාය ලබාදීම පිළිබඳව චම්පික රණවක මහතා පළමුවෙන් සමාව අයැද සිටියේය.

එසේම විමල් වීරවංශ ඇතුළු මන්ත්‍රීවරුන් ලක්ෂ්මන් කදිරගාමර් මහතාට අගමැතිකම ලබාදෙන ලෙස එම වර්ෂයේදීම දැඩිව බලකර සිටියහ. එහෙත් එයට විරුද්ධ වූ පාඨලී ඇතුළු ජාතික හෙළ උරුමය මහින්ද රාජපක්‍ෂ මහතාට අගමැතිකම ලබාදීය යුතු බව එකහෙළාම කියා සිටියහ.

දින ගණනාවක අරගලයකින් අනතුරුව මහින්ද රාජපක්ෂ මහතාට වසර දෙකහමාරකුත් ලක්ෂ්මන් කදිරගාමර් මහතාට වසර දෙකහමාරකුත් අගමැති ධූරය දැරීමට ඉඩ දීමේ එකඟතාවයකට විමල් වීරවංශ ඇතුළු පිරිස සමඟ පැමිණීමට හැකි විය. එහෙත් ලක්ෂ්මන් කදිරගාමර් මහතා 2005 වර්ෂයේදී ඝාතනයට ලක්වීම නිසා දිගටම අගමැති ධූරයේ රැදී සිටීමට මහින්ද රාජපක්ෂ මහතාට දිගටම අගමැති ධූරය දැරීමට හැකි විය.

මෙලෙස විමල් වීරවංශලාට එරෙහිව විශාල අරගලයක් සිදුකර මහින්ද රාජපක්ෂ මහතාට අගමැති ධූරය ලබා දීම පිළිබඳවද පාඨලී චම්පික රණවක මහතා ජාතියෙන් සමාව අයැද සිටියේය.