චීන රාජ්‍යයේ අමෙරිකානු තානාපති නිළධාරින් දෙදෙනෙකු වර්ජිනියා ප්‍රාන්තයේ පිහිටි නෝර්ෆෝර්ක් හමුදා කඳවුර ආශ්‍රිතව ඔත්තු බැලුවේ යැයි චෝදනා කරමින් අමෙරිකාවෙන් පිටුවහල් කිරීමට කටයුතු කිරීමට ඉඩ ඇති බව නිව්යෝක් ටයිම්ස් පුවත් පත වාර්තා කිරීම හේතුවෙන් චීන රජය තම නොසතුට ප්‍රකාශ කර ඇත.

චීනය සහ අමෙරිකාව අතර වසර 30 ක තානාපති සබඳතා ඉතිහාසය තුළ සිදුවූ මෙම අභූත චෝදනා එල්ල කිරීම වහාම නිවැරදි කළයුතු බව චීන රජය අමෙරිකාවට තරයේ දන්වා සිටින බව වාර්තාවේ.

කෙසේ වුවද අමෙරිකාවේ සිටින චීන තානාපති නිළධාරීන් අමෙරිකානු නිළධාරීන් හෝ අමෙරිකානු ආයතන හමුවන්නේ නම් අනිවාර්යෙන්ම අමෙරිකානු රාජ්‍ය දෙපාර්තමේන්තුවේ අවසරය ලබා ගතයුතු බවට දන්වා ඇත. චීනයද එම ක්‍රමවේදයම චීනයේ සිටින අමෙරිකානු තානාපති නිළධාරීන්ට හඳුන්වා දීමට කටයුතු යොදා ඇත.

ජීවන්ත ජයතිස්ස
jeewanthaj@gmail.com