හිටපු ආණ්ඩුකාර රෙජිනෝල්ඩ් කුරේ මහතා වාද්දුව තල්පිටිය ප්‍රදේශයේ රැස්වීමක් ඇමතීම සඳහා අද පැමිණි අවස්ථාවේ නොසන්සුන්කාරී තත්ත්වයක් උද්ගත වුණි.

ඒ ශ්‍රී ලංකා පොදුජන පෙරමුණේ පාක්ෂිකයින් පිරිසක් ඔහුට විරෝධය පල කිරීමත් සමඟයි.

අද පස්වරුවේ වාද්දුව තල්පිටිය ප්‍රදේශයේදී ශ්‍රී ලංකා පොදුජන පෙරමුණේ සාමාජිකයින් පිරිසක් සංවිධාන කළ රැස්වීමක් සඳහා සහභාගි වීමට හිටපු ආණ්ඩුකාර රෙජිනෝල්ඩ් කුරේ මහතා පැමිණ තිබුණි.

කෙසේවෙතත් ඔහුගේ පැමිණීමත් සමග එතනට රැස්ව සිටි පොදුජන පෙරමුණේ තවත් පාක්ෂිකයන් පිරිසක් ඔහුට රැස්වීම් භූමියට යාමට ඉඩනොදීමත් සමග නොසන්සුන්කාරී තත්ත්වයක් උද්ගත වුණි.

අනතුරුව රෙජිනෝල්ඩ් කුරේ මහතා රැස්වීම අමතන අවස්ථාවේදීත් එම පාක්ෂිකයින් පිරිස හූ හඩ නගමින් යළිත් විරෝධය පල කළේ මෙලෙසින්.

මෙම තත්ත්වය දැනුම්දීමත් සමග වාද්දුව පොලිස් ස්ථානයේ නිලධාරීන් එම ස්ථානයට පැමිණ විරෝධය දැක්වූ පිරිස පාලනය කිරීමට පියවර ගත්තේය.

ඒ අනුව අදාළ රැස්වීම ඉදිරියට කරගෙන යාමට අවස්ථාව හිමිවුණි.

මෙම සිද්ධිය සම්බන්ධයෙන් රෙජිනෝල්ඩ් කුරේ මහතා මෙලෙස අදහස් පල කළේය.