කසළ තේවලට සීනි කලවම් කර උසස් තත්ත්වයේ තේවලට සමාන පෙනුමක් ලබාදෙන තේ කම්හලක කළමනාකරුවෙක් කසළ තේ ප්‍රවාහනය කරමින් සිටියදී පොලිස් විශේෂ කාර්ය බළකාය විසින් පෙරේදා (07 වැනිදා) පේරාදෙණිය මුරුතලාව ප්‍රදේශයේදී අත්අඩංගුවට ගෙන තිබේ.මෙලෙස අත්අඩංගුවට ගෙන ඇත්තේ මුරුතලාව පදිංචි 72 හැවිරිදි අයෙකි.

ප්‍රවාහනය කරමින් තිබූ ලොරි රථයේ තිබී කසළ තේ කිලෝ 1620, අඹරන ලද තේ කිලෝ 1500, සීනි කිලෝ 50, සොයාගත් බව පොලිසිය කියයි.විමර්ශනවලදී හෙළිවී ඇත්තේ කසළ තේ සමග සීනි උණුකර කලවම් කිරීම නිසා බාල තත්ත්වයේ තේ පැහැය වෙනස් වී කළුපාටට හැරෙන බවයි.

විශාල ලාභයක් උපයාගත හැකි ජාවාරමක් ලෙස දිගු කලක සිට මෙය මෙහෙයවා ඇති බවද අනාවරණය කොටගෙන ඇත. විශේෂ කාර්ය බළකා ගම්පොළ කඳවුරේ පොලිස් පරීක්ෂක සී.එස්. රත්නායක විසින් වැටලීම සිදුකොට සැකකරු සහ තේ තොගය ඉදිරි විමර්ශන සඳහා ගම්පොළ තේ කොමසාරිස් කාර්යාලයේ තේ සංවර්ධන නිලධාරී කේ.එච්.සී. බණ්ඩාර වෙත භාරදී තිබේ.