පාස්කු ප්රහාරයට පෙර හා පසු ඇති වූ සිද්ධීන් වලට හා මාවනැල්ල බුදු පිළිම කැඩීමේ සිද්ධියට සම්බන්ධ හිටපු රජයේ ඉහළම ඇමතිවරු පිරිසකගේ ඇති සම්බන්ධතාවයන් පිළිබඳ තොරතුරු පාස්කු ප්රහාරය සොයා බැලීම සඳහා පත් කළ ජනාධිපති කොමිසමට ලැබී ඇතැයි වාර්තා වේ.
කොමසමේ විමර්ශන කටයුතු ආරම්භ කිරීමෙන් අනතුරුව මෙම තොරතුරු කොමිසමට ලැබී ඇති බවත් ඉදිරියේදී එලෙස කරුණු අනාවරණය වන අදාළ ඇමතිවරු කොමිසමට කැඳවා ප්රකාශ ලබාගැනීමට කටයුතු කරන බවත් වාර්තා වේ.
පාස්කු ඉරිදා කතෝලික පල්ලි තුනකට හා ප්රධාන පෙළේ හෝටල් වලට මරාගෙන මැරෙන ප්රහාරයෙන් පුද්ගලයින් 300 කට ආසන්න පිරිසක් ඝාතනය කිරීම පිළිබඳව සොයා බැලීම සඳහා ජනාධිපති ගෝඨාභය රාජපක්ෂ මහතා විසින් පත් කරන ලද ජනාධිපති පරීක්ෂණ කොමිසම එලෙස නියම කර ඇත.
අභියාචනාධිකරණ විනිසුරු ජනක් ද සිල්වා මහතා සභාපතීත්වය දරන මෙම කොමිසමේ සෙසු සාමාජිකයින් වන්නේ හිටපු අභියාචනාධිකරණ විනිසුරුවරුන් වන බන්දුල කරුණාරත්න , සුනිල් රාජපක්ෂ , හිටපු මහාධිකරණ විනිසුරු බන්දුල අතපත්තු සහ අධිකරණ අමාත්යංශයේ හිටපු ලේකම් එච්.එම්.එස්.අධිකාරී යන මහත්වරුන්ය.
කොමිසමේ ලේකම්වරයා වශයෙන් එච්.එම්.බී.පී.හේරත් මහතා කටයුතු කරයි.
කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් පසුගිය සතියේදී කොමිසම හමුවේ සාක්කි ලබාදෙමින් මෙම පාස්කු ප්රහාරයට පසුගිය රජයේ හිටපු ප්රබල ඇමතිවරු දෙදෙනෙකුගේ ඇති සම්බන්ධතාවය කරුණු සහිතව ඉදිරිපත් කර ඇති අතර උන්වහන්සේ ප්රසිද්ධියේ මෙන්ම අප්රසිද්ධියේත් කොමිසම හමුවේ කරුණු අනාවරණය කර ඇත.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...