ලෝක බැංකුව චීන රජයට 2025 වර්ෂය දක්වා වර්ෂයකට ඩොලර් බිලියන 1 සිට ඩොලර් බිලියන 1.3ක් දක්වා ණය දීමට අනුමත කිරීමත් සමඟ අමෙරිකානු ජනාධිපති ඩොනල්ඩ් ට්‍රම්ප්ට් මහතා ලෝක බැංකුවට තර්ජනාංගුලි එසවීමට පටන් ගෙන තිබේ.
මීට දින කිහිපයකට පෙර ලෝක බැංකුවේ මුල්‍ය මණ්ඩලය චීන රජයේ ණය අයැදුමට යහපත් ප්‍රතිචාර දැක්වීම ඩොනල්ඩ් ට්‍රම්ප්ට් මහතා දැනගත් වහාම ඔවුනට තර්ජනය කිරීමට පටන් ගෙන තිබේ.

මේ සම්බන්ධව ට්වීටර් පණිවිඩයක් නිකුත් කරමින් ” ලෝක බැංකුව චීනයට ණය දෙන්නේ කුමටද? මෙය විය හැකි දෙයක්ද? ඔවුනට ඇති තරම් මුදල් තිබේ.ඔවුනට මුදල් නොමැතිනම් ඔවුන් මුදල් ඉපයිය යුතුයි. ණය දීම නවතනු!” යනුවෙන් පවසා තිබේ. ලෝක බැංකුවේ ප්‍රධානම මුදල් දායකයා අමෙරිකා එක්සත් ජනපදය වේ. අමෙරිකානු මහජන නියෝජිතයන්ගේ පොදු මතය වන්නේ අමෙරිකානු ජනයාගෙන් ලබාගන්නා බදු මුදල් මත යැපෙන ලෝක බැංකුව චීනයට අඩු පොලියට ණය දීම නොකළ යුතුය යන්නයි.