උතුර පළාත් ආණ්ඩුකාර ධූරයට යෝජනා වී සිටින ප්‍රවීණ ක්‍රිකට් ක්‍රීඩක මුත්තයියා මුරලිදරන් එය භාරගැනීම ප්‍රතික්ෂේප කරමින් සිටින බව වාර්තා වේ.

ආණ්ඩුව පාර්ශවයෙන් එම ආණ්ඩුකාරධූරය භාරගන්නා ලෙස තවදුරටත් ඔහුට ඉල්ලීම්  පැවතියද එය භාරගැනීම මුත්තයියා මුරලිදරන් තරයේ ප්‍රතික්ෂේප කර ඇති බව සදහන්.

වාර්තා වන අන්දමට ඔහු පවසා ඇත්තේ ආණ්ඩුකාර ධූරයක් දැරීමට තරම් තමන් දේශපාලනයේ පැසුණු පුද්ගලයෙකු නොවන බවයි.

නව රජය පත්වීමත් සමග නව ආණ්ඩුකාරවරුන් 6 දෙනෙකු පත් කරනු ලැබූ අතර උතුර , උතුරු මද , නැගෙනහිර යන පළාත් සඳහා නව ආණ්ඩුකාරවරුන් පත් කිරීමට නියමිතව තිබේ.