එල්.ටී.ටි. මහ විරු සමරුව වතුකරයේ පවත්වන ලෙස ප්රභාකරන්ගේ ඡායාරූපය සහිතව අත් පත්රීකා මුද්රණය කර වතුකරයේ බෙදා හැරී තරුණයින් දෙදෙනෙක් බගවන්තලාව පොලීසිය මගින් ඊයේ(27) රාත්රියේ සැක පිට අත්අඩංගුවට ගත් බව බගවන්තලාව පොලීසිය පැවසීය.
බගවන්තලාව ටින්සින් නගරයේ දුරකථන ඇමතුම් මධ්යස්ථානයකින් අදාල අත් පත්රිකා පරිගණකයක් ආධාරයෙන් සකස් කර මුද්රණය කර ඇති බවයි පොලීසිය පැවසුවේ.
මුද්රණය කරන ලද පිටපත් ගණනාවක් සැකකාර තරුණයන් දෙදෙනා විසින් බෙදා හැර ඇති බවත්, බෙදා හැර තිබූ අත් පත්රිකා කිහිපයක් පොලිස් භාරයට ගත් බවයි බගවන්තලාව පොලිසිය පැවසුවේ.
අදාල අත් පත්රිකා මුද්රණය කල පරිගණක, උපාංග සහ දුරකථන ඇමතුමු මධ්යස්ථානයේ හිමිකරුවද සැක පිට අත්අඩංගුවට ගත් බවත්, අත්අඩංගුවට ගත් සැක කරුවන් තිදෙනා අවුරුදු විස්සත් හතලියත් අතර වයස් කාණ්ඩ වල පසුවන අය බවත් සැකකරුවන් බගවන්තලාව ප්රදේශයේම පදිංචිකරුවන් බවයි පොලිසිය පැවසුවේ.
අත්අඩංගුවට ගත් සැක කරුවන් හැටන් මහේස්ත්රාත් අධිකරණය වෙත ඉදිරිපත් කරන බව බගවන්තලාව පොලීසිය පැවසීය.
– හැටන් රංජිත් රාජපක්ෂ
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...