ජනාධිපති කාර්ය මණ්ඩල ප‍්‍රධානී ධූරයට විශ‍්‍රාමික මේජර් ජෙනරාල් කේ. බී. එගොඩවෙලේ පත්කර තිබෙනවා.

පෞද්ගලික ආරක්ෂක සේවා ආයතන රැසක අත්දැකීම් බහුල නිලධාරියෙකු වන ඔහු මහනුවර විද්‍යාර්ථ විද්‍යාලයේ ආදි සිසුවෙක්.

1971 වසරේදී ශී‍්‍ර ලංකා යුද හමුදා සේවයට බැඳුනු විශ‍්‍රාමික මේජර් ජෙනරාල් කේ. බී. එගොඩවෙලේ, වසර 33 කට අධික කාලයක් යුද හමුදාවේ සකි‍්‍රය සේවයේ නියැලුණා.

ඔහු වසර 04 ක කාලයක් ඉඩම් ගොඩකිරීමේ හා සංවර්ධනය කිරීමේ සංස්ථාවේ අධ්‍යක්ෂකවරයා ලෙස ද කටයුතු කළා.

විශ‍්‍රාමික මේජර් ජෙනරාල් කේ. බී. එගොඩවෙලේ 2007 වසරේ සිට 2015 වසර දක්වා වසර 08 ක කාලයක් සීමාසහිත රක්නා ලංකා සමාගමේ ප‍්‍රධාන විධායක නිලධාරිවරයා ලෙස ද කටයුතු කර තිබෙනවා.