වහා ම මහ මැතිවරණයකට යා යුතුයි කියලා මේ දවස්වල සමහරු ගජරාමෙට උපදෙස් දෙනවා. දැන් මහ මැතිවරණයකට ගියොත් උඩින් ම දිනන්න පුළුවන් නිසා, පොහොට්ටුවට ඡන්දය දුන් සමහරුන්ට එහෙම හිතෙනවා ඇති.

ඒත් මේ පාර්ලිමේන්තුවේ කාලය ලබන අගෝස්තු දක්වා ඉතිරි වෙලා තියෙනවා. ඉතින් මේ ඉන්න මන්ත්‍රීවරුන්ගෙන් අලුත් අගමැතිවරයෙක් සහ සීමාසහිත ඇමැති මණ්ඩලයක් පත් කර ගෙන කියපු විදියට වැඩ කරලා අගෝස්තුවේ පාර්ලිමේන්තුව විසුරුවලා මහ මැතිවරණයකට යන එක නේ ද හොඳ? එතකොට ජනාධිපතිවරයාට තමාගෙ වැඩපිළිවෙළ ආරම්භ කරන්න කාලයකුත් ලැබෙනවා. ක්ෂණික ප්‍රමුඛතාව ලැබිය යුතු කටයුතු ක්‍රියාත්මක කරන්න අවස්ථාවකුත් ලැබෙනවා.

ඒකෙන් මහ මැතිවරණයෙ දි වැඩි ජයග්‍රහණයක් ලබා ගන්නත් පුළුවන් වෙයි. ඒ වගේ ම තවත් මැතිවරණයක් වෙනුවෙන් හදිසියේ දරන්න වෙන විශාල වියදමක් කල් දාගන්නත් පුළුවන් වෙයි.

Dharma Sri Kariyawasam