ලොව කිසිදු රටක් ප්‍රධාන ජාතියේ ආශිර්වාදය නොමැතිව දියුණු වී නොමැති බව ජනාධිපති නීතිඥ අලි සබ්රි මහතා පවසයි.

ඉදිරි ජනාධිපතිවරණය පිළිබඳව අනුරාධපුර දිස්ත්‍රික්කයේ මුස්ලිම් ජනතාව දැනුවත් කිරිමේ ජන හමුවකට එක් වෙමින් ඒ මහතා මේබව සඳහන් කළේය.

එහිදී වැඩිදුරටත් අදහස් දක්වමින් ඒ මහතා මෙසේ ද පැවසීය.

“අපි හිටගෙන ඉන්නේ හරි පැත්තේ. අපි හිටගෙන ඉන්නේ රටේ පැත්තේ.

ප්‍රධාන ජාතියේ ආශිර්වාදය නැතුව, ප්‍රධාන ජන කොටසගේ කැමැත්ත නැතුව කිසිම රටක් දියුණු වෙලා නෑ.

මේ රටේ සියයට හැත්තෑ හතරක් සිටින සිංහල ජනතාවගේ කැමැත්ත තියෙන්නේ ගෝඨාභයට.

එහෙනම් අපි බෙදා බෙන් කරගෙන වෙනම ජීවත් වෙනවාද? සියලු ජන කොටස් එක්ක සහෝදරත්වයෙන් ඒ නායකයොත් එක්ක එකතු වෙලා රට දියුණු කරලා ඒකේ ප්‍රතිලාභ ගන්නවාද?

ඒ වෙනුවෙන් තමයි අපි මේ පෙනී ඉන්නේ.”