එක්සත් ජාතික පෙරමුණ සමග හිටපු ජනාධිපති චන්ද්‍රිකා කුමාරතුංග මහත්මිය සමග අවබෝධතා ගිවිසුමකට අත්සන් තැබීමට නියමිතය.

හෙට පෙරවරුවේ කොළඹ දී එම කටයුත්ත සිදුකිරීමට නියමිතව තිබේ.

චන්ද්‍රිකා කුමාරතුංග මහත්මිය සහ අග්‍රාමාත්‍ය රනිල් වික්‍රමසිංහ මහතා අතර මෙම ගිවිසුමට අත්සන් තැබෙන බවයි දේශපාලන ආරංචි සඳහන් කළේය.

එමෙන්ම මෙම අවස්ථාවට නව ප්‍රජාතන්ත්‍රවාදී පෙරමුණේ ජනාධිපති අපේක්ෂක සජිත් ප්‍රේමදාස මහතා ද සහභාගී වීමට නියමිත බවත්, එම ආරංචි මාර්ග වැඩිදුරටත් පවසා සිටියේය.

මේ අතර ශ්‍රී ලංකා නිදහස් පක්ෂයේ ආසන සංවිධායකවරුන් ඇතුලු විශාල පිරිසකගේ සහභාගිත්වයෙන් සමුලුවක් පැවැත්වීමටද මේ වන විට කටයුතු සංවිධාන කර තිබේ.

එම සමුලුව ලබන 5 වනදා කොළඹ සුගතදාස ක්‍රීඩාංගනයේදී පැවැත්වීමට සැලසුම් කර ඇති බවත්, ශ්‍රී ලංකා නිදහස් පාක්ෂික ඡන්ද දස ලක්ෂයක් සජිත් ප්‍රේමදාස මහතා වෙත ලබාදීම මෙම ව්‍යායාමයේ අපේක්ෂාව වී ඇති බවත්, ශ්‍රී ලංකා නිදහස් පක්ෂය සුරැකීමේ සංවිධානයේ නියෝජිතයෙකු ප්‍රකාශ කළේය.