විදේශ කටයුතු රාජ්‍ය අමාත්‍ය ධුරයෙන් තමන් ඉවත් නොවන බව අමාත්‍ය වසන්ත සේනානායක මහතා ප්‍රකාශ කළේය.
ඒ මේ වනවිට කොළඹ පැවැත්වෙන විශේෂ මාධ්‍ය හමුවකදීය.
එහිදී ඔහු ප්‍රකාශ කර සිටියේ හැකිනම් තමන් එම ධුරයෙන් ඉවත් කර පෙන්වන ලෙසටය.
ඔහුගේ එක්සත් ජාතික පක්ෂ සාමාජිකත්වය වහාම ක්‍රියාත්මක වන පරිදි අත්හිටුවන බවත්, ඉදිරියේදී ඔහු විදේශ කටයුතු රාජ්‍ය අමාත්‍ය ධුරයෙන්ද ඉවත් කිරීමට පියවර ගන්නා බවත්, එක්සත් ජාතික පක්ෂ මහ ලේකම් අමාත්‍ය අකිල විරාජ් කාරියවසම් ඊයේ දින ප්‍රකාශ කළේය.
මැතිවරණ නීතිවලට අනුව දේශපාලන නොවන කතා පමණක් අමාත්‍යාංශ ගොඩනැඟිලිවල සිදුකල හැකි වුවත් අද දිනයේ දේශපාලනය ගැන කථා කරන නිසා පෞද්ගලික තැනක් ඒ සඳහා යොදා ගැනීමට සිදුවු බවත් ඒ මහතා කියා සිටියේය.
අද දිනයේ තමා මාධ්‍ය හමුව පැවැත්වීමට සිටියේ වෙනත් කරුණක් සම්බන්ධයෙන් බවත් කියා සිටි ඒ මහතා තමාට සතුටු දායක තත්ත්වයක් නොමැති නම් දේශපාලනයෙන් සමුගන්නා බව මීට පෙර පැවසු බවත් සඳහන් කළේය.
තමා ජනාධිපතිවරයා වෙත ලිපියක් බාර දෙමින් අමාත්‍යධූරයෙන් ස්වකැමැත්තෙන් ඉල්ලා අස්වීමට සිටි බවත් පැවසු වසන්න සේනානායක මහතා, ඊයේ(29) රාත්‍රීයේ තමාව පක්ෂයෙන් හා අමාත්‍ය ධූරයෙන් ඉවත් කළ බවට ප්‍රකාශ කළ නිසාවෙන් තමා අමාත්‍යධූරයෙන් කිසිසේත්ම ඉවත් නොවන බවත් පැවසීය.
තමාට අමාත්‍යධූරය ලබා දුන්නේ ජනපතිවරයා බැවින් තමාව ඉවත් කළ හැක්කේ ජනාධිපතිවරයාට පමණක් බවත් කියාසිටි ඒ මහතා, “පුළුවන් නම් අයින් කරන්න“ යැයි ද මෙහිදී අභියෝග කර කියා සිටියේය.
තමා සිදුකල කිසිදු වරදක් පිළිබඳව මෙතෙක් අනාවරණය කර නොමැති බවත්, තමාට කරුණු දැක්වීමට අවස්ථාවක් ලබා නොදුන් බවත් කියා සිටි සේනානායක මහතා, තමා දන්නා තරමින් ප්‍රජාතන්ත්‍රවාදී රටක් යනුවෙන් සිතාගෙන ප්‍රශ්නයක් ඇසුවා පමණක් යැයි ද මාධ්‍ය හමුවේ දී පැවසීය.
පක්ෂ සභාපතිවරයා වන කබීර් හෂීම් මහතා තමාට ඇමතුමක් ලබා දෙමින් මෙය අත්වැරදීමකින් සිදුවු බවක් පැවසු බවද කියා සිටි වසන්ත සේනානායක මහතා, එසේ සිදුවුයේ නම් මාධ්‍යයට එය පැවසිය යුතු යැයි තමා කියා සිටි බවත් සඳහන් කළේය.
තමාට අවශ්‍ය පිළිතුරු නොලැබීම හේතුවෙන් දේශපාලනයෙන් ඉවත් වීමට අවශ්‍ය වු බවත් පැවසු ඒ මහතා, ඉවත් වීමෙන් අනතුරුව සිවිල් පුරවැසියෙක් ලෙස සජිත් මහතාට සහය දක්වීමට බලාපොරොත්තු වු බවත් කියා සිටියේය.
සජිත් ප්‍රේමදාස මහතා ගැන තැබු විශ්වාසය හා ආදරය තවමත් තිබෙන බවත් කියා සිටි සේනානායක මහතා, තමා කිසිදු අවස්ථාවක වෙනත් අයෙකුට උදව් කරන බව නොපැවසු බවත් “දැන් නම් ඒ ගැනත් සලකා බලන්න වෙනවා“ යනුවෙන් ද පැවසීය.
හදිසි තීරණයකින් කිසිදු කෙනෙක් පක්ෂයකින් ඉවත් කළ නොහැකි බවත් කියා සිටි සේනානායක මහතා විදේශ කටයුතු රාජ්‍ය ඇමති ලෙස තමා තවම සිටින බවත් කියා සිටියේය.
අද දිනයේ මාධ්‍ය හමුවක් පවත්වමින් අමාත්‍යධූරයෙන් ඉවත් වන බවට වු ලිපිය ජනාධිපතිවරයාට බාර දීමට සිටි බවත්, නමුත් අනෙක් අය ගෝඨාභය මහතාට සහය දක්වන්න යනවාට බිය වී මෙම තීරණය ගත් බවත් ඒ මහතා වැඩිදුරටත් පැවසීය.
තමා සේනානායක කෙනෙක් බැවින් කිසිදු අවස්ථාවක බිය නොවන බවත් පැවසු රාජ්‍ය අමාත්‍යවරයා, තවමත් පැදිලිලි තීරණයක් තවමත් ගෙන නොමැති වුවත් කිසිසේත් ගෙදර නොයන බවත් කියා සිටියේය.
නිකරුණේ තමන් ඉවත් වීමට යන විට මේ සිදු කල ක්‍රියාව නිසා කිසිදු අවස්ථාවක ගෙදර හෝ අමාත්‍යාංශයෙන් ඉවත් නොවන බවත් සජිත් මහතාට හෝ වෙනත් අයෙකුට සහය දැක්වීමේ තීරණය තමා ගන්නා බවත් වසන්ත සේනානායක මහතා මෙහිදී වැඩිදුරටත් අදහස් දක්වමින් පැවසීය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...