මාතෘභූමියේ ස්වෛරීභාවය සහ භෞමික අඛණ්ඩතාවය ආරක්ෂා කිරීම වෙනුවෙන් තම දිවි පුදා උදාර කැපකිරීම් සිදු කළ ශ්රී ලංකා පාබල හමුදාවේ විරෝදාර රණවිරුවන් 3878 දෙනෙකුගේ අමරණීය මතකයන් සිහිපත් කරමින් ඔවුනට උපහාරයක් වශයෙන් ආගමික වතාවත්වලට මුල්තැන දෙමින් වර්ණවත් හමුදා සම්ප්රදායානුකූල උත්සවයක් පනාගොඩ පිහිටි ශ්රී ලංකා පාබල හමුදා රෙජිමේන්තු මූලස්ථාන පරිශ්රයේදී ඉකුත් සිකුරාදා (25) දින පැවැත්විණි. ‘මම සේවය කරමි’ ආදර්ශ පාඨය කරගත් ශ්රී ලංකා පාබල හමුදාව වර්ෂ 1881 දී ආරම්භ කෙරුණු අතර එම රෙජිමේන්තුව ශ්රී ලංකා යුද්ධ හමුදාවේ පැරණිතම හා වඩාත් පිළිගැනීමට ලක් වූ ගෞරවාන්විත රෙජිමේන්තුවක් ද වෙයි.
මාතෘභූමිය වෙනුවෙන් දිවිපිදු විරෝදාර රණවිරුන්ගේ ඥාතීන් සහ ආරාධිතයින් රැසකගේ සහභාගීත්වයෙන් ශ්රී ලංකා පාබල හමුදා රෙජිමේන්තු මූලස්ථාන පරිශ්රයේ පිහිටි සුවිශේෂී අලංකාරවත් අන්දමින් නිර්මාණය කරන ලද රණවිරු ස්මාරකය අභියසදී ගෞරවණීය රණවිරු සැමරුම් උත්සවය ආරම්භ කෙරිණි. බටහිර ආරක්ෂක සේනා ආඥාපති මෙන්ම ශ්රී ලංකා පාබල හමුදාවේ රෙජිමේන්තු අධිපති මේජර් ජෙනරාල් මහින්ද මුදලිගේ විසින් කරන ලද ආරාධනයකට අනුව ශ්රී ලංකා පාබල හමුදාවේ කීර්තිමත් නිලධාරීයෙකු වන ආරක්ෂක ලේකම් ජෙනරාල් (විශ්රාමික) ශාන්ත කෝට්ටේගොඩ සහ යුද්ධ හමුදාධිපති ලුතිනන් ජෙනරාල් ශවේන්ද්ර සිල්වා මෙම ගෞරවණීය සැමරුම් උත්සවයට සහභාගි වූහ.
army.lk
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...