මේ නිජබිම කතාවට හොදම උත්තරයක් ලගදී හාමුදුරු නමක් දුන්නා. “මුළු ලංකාවම නිජබිම ලෙස කියන්න , ඒක අපි පිළිගන්නවා” කියලා. ඇත්ත තමයි. උතුරු නැගෙනහිර විතරද දමිළ ජනතාව උපදින්නේ? ඒවගේම තවත් හාමුදුරු නමක් කිවුවා “උතුරේ බවුද්දාගමික පන්සල් අයින් කරනවා නම් දකුණේ කෝවිල් අයින් කරන්න ඕනද? ” කියලා.
දමිළ ජනතාවට බොරු පොරොන්දු දීල ඔවුන්ගේ ජීවන තත්වය නගා සිටුවීමට කිසි දෙයක් නොකර ඔවුන්ගේ කරපිටින් පාර්ලිමේන්තුවට ගොස් සුඛ විහරණයෙන් වැජබෙන, විදේශීය බලවේග වල ඩොලර වලට වහ වැටී සිටින මේ “බොරු” නායකයින් ගෙදර යැවීමටත් , ඔවුන්ට තමන්ගේ සැබෑ උවමනාවන් ගැන හොද දැනුම් දීමක් කිරීමටත් උතුරු නැගෙනහිර දමිළ ජනතාව මෙවර ජනාධිපතිවරණ සහ මහ මැතිවරණ පාවිච්චි කල යුතුයි.

ජාතිවාදය, අන්තවාදී ආගම්වාදය අවුස්සා රටවල් කෑලි කඩා අස්ථාවර කර ඒවායේ සම්පත් කොල්ල කන බටහිර බලවේග වල සැබෑ නිරුවත ඉරාකයෙන් ප්‍රකට වෙනවා. මේවා ගැන අප රටේ දමිළ , මුස්ලිම් ජනතාවට පැහැදිලි කරදීම නිදහස් ලෙස සිතන දමිළ මාධ්‍ය වල වගකීමක්. ඇමෙරිකාව සදාම් හුසේන්ට විරුද්දව කුර්දිවරුන් මෙහෙයවුවත් දැන් කුර්දිවරුන් තනිවෙලා, තුර්කියත් සමග යුද්දෙක පැටලවිල. ඉරාකයේ විදේශ ගැති ආණ්ඩුවට විරුද්දව එරට ජනතාව පෙළගැහිලා. ඒත් දැන් නුවණ පහලවෙලා වැඩක් නෑ. ඒ ඉතිහාසගත ඉරාකය දැන් නෑ.