ශ්‍රී ලංකා පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ මහතා කෑගල්ලේ දී පැවති උත්සව කිහිපයකටම සහභාගි විය.

ගෝඨාභය රාජපක්ෂ මහතා පෙරවරුවේ අලුත්නුවර ශ්‍රී දැඩිමුණ්ඩ දේවාලය වෙත පැමිණි අතර එම අවස්ථාවේදී ඔහුට පැමිණ සිටි පිරිසගෙන් උණුසුම් පිළිගැනීමක් හිමිවුණි.

අනතුරුව ඔහු එහිදී ආගමිකවතාවත්වල නිරත වුණි.

පසුව ගෝඨාභය රාජපක්ෂ මහතා දැඩිමුණ්ඩ දේවාලයෙන් ආශිර්වාද ලබාගත්තේය.

ඉන් අනතුරුව ගෝඨාභය රාජපක්ෂ මහතා කෑගල්ල කදිරේෂන් හින්ඳු කෝවිලවෙත පැමිණ ආශිර්වාද ලබාගත්තේය.

පසුව ගෝඨාභය රාජපක්ෂ මහතා කෑගල්ල ජුම්මා මුස්ලිම් පල්ලිය වෙත පැමිණියේය.ගෝඨාභය රාජපක්ෂ මහතාට හිමි වූයේ ඉතා උණුසුම් පිළිගැනීමකි.

ඉන් අනතුරුව කෑගල්ල වෑවලදෙණිය රජමහා විහාරයට පැමිණ ආශිර්වාදය ලබා ගත් ඝෝඨාභය රාජපක්ෂ මහතා එහිදී පවසා සිටියේ මහාසංඝරත්නය තමා කෙරෙහි තබා ඇති විශ්වාසයත් දක්වන ආදරයත් අගයමින් බුද්ධාගම රැකගැනීමට සහ එහි උන්නතිය සහදා තම රජයක් යටතේ හැකි සෑම ශක්ති ප්‍රමාණයක්ම යොදවන බවය.