ගෘහස්ත ගෑස් සිලින්ඩරයක මිල අද(04) මධ්‍යම රාත්‍රියේ සිට ක්‍රියාත්මකවන පරිදි අඩු කිරීමට කර්මාන්ත හා වාණිජ කටයුතු අමාත්‍යාංශය තීරණය කර තිබේ.

ඒ අනුව කිලෝග්‍රෑම් 12යි දශම 5ක ගෑස් සිලින්ඩරයක මිලරුපියල් 240කින් අඩු කෙරෙන අතර කිලෝග්‍රැම් 05ක ගැස් සිලින්ඩරයක මිල රුපියල් 95කින්ද, කිලෝග්‍රැම් 2යි දශම 03ක ගෑස්සිලින්ඩරයක මිළ රුපියල් 30කින්ද අඩු කෙරෙන බව අමාත්‍යාංශය පවසයි.

මිල සංශෝධනයට අනුව කිලෝග්‍රෑම් 12යි දශම 5ක ගෑස්සිලින්ඩරයක නව මිල රුපියල් 1493ක් වෙයි.

කිලෝග්‍රැම් 05ක ගැස් සිලින්ඩරයක නව මිල රුපියල් 598ක්වන අතර කිලෝග්‍රැම් 2යි දශම 03ක ගෑස් සිලින්ඩරයක නව මිළ රුපියල් 289ක් වන බවයිකර්මාන්ත හා වාණිජ කටයුතු අමාත්‍යාංශය පවසයි.

අද සිට මධ්‍යම රාත්‍රියේ සිට ක්‍රියාත්මක වන මෙම මිළසංශෝධනයන් උල්ලංඝණය කරමින් කටයුතු කරන වෙළඳසැල් හිමියන් සොයා වැටලීම් සිදුකරන ලෙසවිෂය භාර අමාත්‍ය රිෂාද් බදියුදීන් මහතා පාරිභෝගික කටයුතු පිළිබඳ අධිකාරීයට උපදෙස්ලබා දී ඇති බවද සඳහන්ය.