අල්ලස් කොමිසමේ හිටපු අධ්‍යක්ෂ ජනරාල් දිල්රුක්ෂි ඩයස් මහත්මිය දේශපාලන බලපෑම් ඇවන්ට්ගාඩ් සමාගමට නඩු පැවරු බව කියවෙන දුරකථන සංවාදයක හඩ පටයක් එම සමාගමේ සභාපති නිශ්ශංක සේනාධිපති මහතා සිංගප්පුරුවේ සිට සමාජ මාධ්‍ය වෙත ඊයේ නිකුත් කරනු ලැබුවේය.

කෙසේවෙතත් මෙම හඬ පටය සම්බන්ධයෙන් තමන් නීතිපතිවරගෙන් කරුණු විමසන බව අධිකරණ අමාත්‍ය තලතා අතුකෝරළ මහත්මිය පවසයි.

මේ අතර අල්ලස් කොමිසමේ හිටපු අධ්‍යක්ෂ ජනරාල් දිල්රුක්ෂි ඩයස් මහත්මිය සිය ෆෙස්බුක් ගිණුම ඔස්සේ සටහනක් තබමින් මෙසේ සඳහන් කර ඇත.

“රජයේ සේවකයෙකු වශයෙන් මට ඔබ මේ දමා ඇති දුරකථන සංවාදය පිළිබදව මහජනතාවට පැහැදිලි කිරීමක් කළ නොහැක. ඔබ හා සිදුකරන මෙම දුරකථන සංවාදය මට දුන්නේ මොන ඇමතිතුමා ද හා කුමන හේතුවක් නිසාද යන්න ජනතාවට කියන්න. ඔබ මේ දුරකථන සංවාදය විකෘති කර ඇති හෙයින් මහජනතාවට දැනගැනීමට මුළු සංවාදයම නිදහස් කරන්න.”