මුහුදු මහා විහාරයට ආසන්නව පිහිටි බෝධිරාජාරාම විහාරස්ථානයට පැමිණි අමාත්‍ය සජිත් ප්‍රේමදාස මහතා මේදිනවල ගැටලුව රැසකට මුහුණ පා සිටින මුහුදුමහා විහාරය මගහැර යන්නේ ඇයි? යැයි මුහුදු මහා විහාරාධිපති පූජ්‍ය උඩමලත්තේ රතනප්‍රිය හිමියන් ප්‍රශ්න කර සිටියි.

අද (02) රාජගිරිය ජාතික සංවිධාන පොදු මධ්‍යස්ථානයේ පැවති මාධ්‍ය හමුවකට එක්වෙමින් උන්වහන්සේ මේ බව සඳහන් කළේය.

එහිදී වැඩිදුරටත් අදහස් දැක්වූ පූජ්‍ය උඩමලත්තේ රතනප්‍රිය හිමියන්,

මුහුදු මහා විහාරය පුරාවිද්‍ය සාක්ෂි සමග අක්කර 72 ක් 1951-01-26 දින සෙනරත් පරණවිතාන මහතා විසින් පුරාවිද්‍යා භූමියක් බවට ගැසට් කර ඇත. පසුව 1965-05-28 දින අක්කර 30 ක් මුහුදු මහා විහාරයට වෙන් කරනවා. පසුව කලින් කලට විහාරයට අයත් බිම් කොටස් මුස්ලිම් ජනතාව විසින් අල්ලා ගෙන තියෙනවා. දැන් ඉතිරිවෙලා තියෙන්නේ අක්කර 08-10 ත් අතර පුමාණයක් පමණයි.

මේ වෙන කොට තවත් බිම් කොටස් හිටපු ප්‍රාදේශීය ලේකම්ගේ අනුදැනුමින් අල්ලා ගනිමින් යනවා. බලධාරීන්ට දැනුවත් කළත් මෙතෙක් පියවරක් අරගෙන නෑ.

මේ දිනවල කතාබහට ලක්වෙන විහාරය අසල වැලි කදු කපලා ඒ වැලි ගොඩ ගහලා තියෙන්නේ පොතුවිල් ප්‍රාදේශීය සභාවේ සභාපතිගේ ගෙදර. මේවා ගැන බලධාරීන් බලන්නේ නැත්තේ ඇයි. යැයි වැඩිදුරටත් පවසන ලදි.