ඇල්පිටිය ප්රාදේශීය සභාවේ මැතිවරණය එලඹෙන ඔක්තෝම්බර් මස පළමු සතිය තුළ පැවැත්වීමට බලාපොරොත්තුවන බව මැතිවරණ කොමිෂන් සභාවේ සභාපති මහින්ද දේශප්රිය මහතා පවසයි.
ඇල්පිටිය ප්රාදේශීය සභාවේ ඡන්ද විමසීම පවත්වන ලෙස ශ්රේෂ්ඨාධිකරණය විසින් මැතිවරණ කොමිසම වෙත ඊයේ(30) නියෝග කර තිබුණි.
ප්රජාතන්ත්රවාදී එක්සත් ජාතික පෙරමුණ විසින් ඉදිරිපත් කළ පෙත්සමක තීන්දුව ලබාදෙමින් ශ්රේෂ්ඨාධිකරණ ත්රිපුද්ගල විනිසුරු මඬුල්ල එම නියෝගය ලබා දුන් බවයි අද දෙරණ අධිකරණ වාර්තාකරු පැවසුවේය.
එමෙන්ම ප්රතික්ෂේප කළ ප්රජාතන්ත්රවාදී එක්සත් ජාතික පෙරමුණේ නාමයෝජනා පත්රය භාර ගන්නා ලෙස ද ශ්රේෂ්ඨාධිකරණය විසින් අදාල ප්රාදේශීය සභාව භාර තේරීම්භාර නිලධාරීයාට නියෝග කර තිබේ.
පසුගිය පළාත් පාලන මැතිවරණයේදී ඇල්පිටිය ප්රාදේශීය සභාවට තමන් ඉදිරිපත් කළ නාමයෝජනා පත්රය ප්රතික්ෂේප කිරීම නීති විරෝධී බව සඳහන් කරමින් ප්රජාතන්ත්රවාදී එක්සත් ජාතික පෙරමුණ විසින් අදාළ පෙත්සම ඉදිරිපත් කර තිබුණි.
පෙත්සම පිළිබඳව විභාගයක් පැවැත්වීමට නියෝග කළ ශ්රේෂ්ඨාධිකරණය එහි විභාගය අවසන් වන තෙක් ඇල්පිටිය ප්රාදේශීය සභාවේ ඡන්ද විමසීම පැවැත්වීම වළක්වාලමින් තහනම් නියෝගයක් මීට පෙර නිකුත් කර තිබුණි.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...