පක්ෂය දෙකට කැඩීමෙන් වැළකී සිටින ලෙස කතානායක කරු ජයසූරිය මහතා එජාප නියෝජ්ය නායක සජිත් ප්රේමදාස මහතාට දැඩිව අවවාද කර ඇති බව දැනගන්නට ඇත.
කරු ජයසූරිය මහතා සජිත් ප්රේමදාස මහතාට මේ බව දැනුම් දී ඇත්තේ ඊයේ (27) රාත්රියේ කතානායක නිලනිවෙසේ පැවැති විශේෂ සාකච්ජාවකදීය.
සජිත් ප්රේමදාස මහතාගේ විශේෂ ඉල්ලීමකට අනුව මෙම සාකච්ජාව පවත්වා තිබේ.
දෙදෙනා අතර පමණක් පැවැති මෙම හමුවේදී පක්ෂය දෙකඩ කිරීමෙන් වැළකී සිටින ලෙසත්, පක්ෂ ව්යවස්ථාවට හා සම්ප්රදායට අනුව පක්ෂය ඇතුළේම ප්රශ්නය විසදාගන්නා ලෙසත් කතානායකවරයා වැඩිහිටියකු මෙන් සජිත්ට අවවාද කොට ඇති බව දැනගන්නට ඇත.
මීට අමතරව අද (28) සවස මංගල සමරවීර මහතා ඇතුළු කණ්ඩායමක්ද කතානායකවරයා මුණගැසීම සදහා ඉල්ලීමක් කර තිබේ.
කෙසේවෙතත් මෙම සාකච්ජාව සම්බන්ධයෙන් ඇතැම් මාධ්ය දෙදෙනා අතර එකගතාවක් ඇති වූ බවට කර ඇති ප්රකාශ සම්පූර්ණයෙන්ම අසත්යයක් බව කතානායක කාර්යාලයේ ප්රකාශකයකු සදහන් කළ අතර ඒ සම්බන්ධව කතානායකවරයා සජිත් ප්රේමදාස මහතාට කතාකොට අසත්ය පුවත් මාධ්යයට ලබාදීමෙන් වැළකී සිටින ලෙස දැනුම් දීමට සූදානමින් සිටින බවද සදහන් කර සිටියේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්ය...
අනුරාධපුර දිස්ත්රික් පාර්ලිමේන්තු මන්ත්රී ජනප්රිය රංගන ශිල්පී උද්දික ප්රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...