පසුගියදා එල්ලවූ කාස්කු ඉරිදා ප්‍රහාරයට උලමා සංවිධානය වගකිවයුතු බවත් අන්තවාදී දේශපාලන නායකයන් බිහිකිරීමට සෘජුවම වගකිවයුතු බවත් මහාචාර්ය පූජ්‍ය මැදගොඩ අභයතිස්ස හිමියෝ පවසති.

වහාබ් අන්තවාදය මව්බිමෙන් අතුගා දැමීම වෙනුවෙන් බිහි කළ වහාබ් අන්තවාදයට එරෙහි ජනතා ව්‍යාපාරය ඊයේ (28)  කුරුණෑගල නගර ශාලාවේ දී පැවැත්වූ සමුළුවට එක්වෙමින් උන්වහන්සේ මේ බව අවධාරණය කර සිටියේය.

අන්තවාදීන් බිහිකිරීමට අනුබලදුන් බවට චෝදනා එල්ලවූ ඇමතිවරු සහ ආණ්ඩුකාරවරු ඉල්ලා අස්වන ලෙස කළ බලපෑම වහුවේ සියලුම මන්ත්‍රීවරු ඉල්ලා අස්වීම තුළින්  මව්බිම තුළ අන්තවාදය  ඇතිකිරීමේ හා පෝෂණය කිරීමේ  සාමූහික වගකීම සියළු දෙනා බාරගත් බවද අභයතිස්ස හිමියෝ අවධාරණය කර සිටියහ.

ඉදිරි මැතිවරණවලදී මුස්ලිම් අන්තවාදී තක්කඩි නායකයන්ගේ පහස ලබන, ඔවුන් සමග එකට හිටගනිනා නායකයන් තෝරා පත්කර නොගැනීමට සමස්ථ ශ්‍රීලාංකික ජනතාවට පරම අයිතියක් සහ වගකීමක් තිබෙන බවද උන්වහන්සේ පවසා සිටියහ.