මුදල් අමාත්‍ය මංගල සමරවීර මහතා පසුගිය කාලයේ අමාත්‍යධුර දැරූ අමාත්‍යාංශවල සිදුවූ වංචා දූෂණ ඇතුළත් ලිපිගොනු 47ක් තමන් සතුව පවතින බව පූජ්‍ය තීනියාවල පාලිත හිමියන් පවසයි.

අද(17) කොළඹ පැවති මාධ්‍ය හමුවකදී උන්වහන්සේ මෙලසෙ චෝදනා කළේය.

පූජ්‍ය තීනියාවල පාලිත හිමියන් පෙන්වා දුන්නේ අයථා ලෙස ඉපැයූ කොමිස් මුදල්වලින් මංගල සමරවීර අමාත්‍යවරයා ලන්ඩන් නගරයේ නිවාස 06ක් මිලට ගෙන ඇති බවයි.

උන්වහන්සේ වැඩිදුරටත් පවසා සිටියේ මහජන දේපළ ගසා කෑමට කටයුතු කළ ලංකා ඉතිහාසයේ දරුණුම තක්කඩියා මුදල් අමාත්‍ය මංගල සමරවීර මහතා සහ ඔහුගේ ගෝලයන් බවයි.

මංගල සමරවීර ඇමතිවරයා විසින් සිදුකරන ලද අයථා කොමිස් ගනුදෙනුවලින් පමණක් ලන්ඩනයේ නිවාස 06ක් මිලට ගෙන ඇති බවද සඳහන් කළ උන්වහන්සේ ඉන් එකෙක වටිනාකම පවුම් මිලියන 03 සිට පවුම් මිලියන 18 දක්වා ඉතා ඉහල අගයන් වන බවද කියා සිටියහ.

සමහර දේපල ඇමති මංගල නමින් නොතිබුණද ඒවා ඔහුගේ යැයි ඔප්පු කිරීමට සාධක තමන් සතුව ඇතැයි ද උන්වහන්සේ පැවසූහ.

මීට අමතරව මංගල සමරවීර ඇමතිවරයාගේ සමීපතම ගෝලයන් දෙදෙනකු වන තුසිත හල්ඔලුව සහ සමීර මනහර සියළු හොරකම්වලට සම්බන්ධ නීල මදන හොරුන් බවද උන්වහන්සේ පැවසූහ.

කරුංකා කන්ටේනර් සිය ගානක් හා ගම්ස්මිරිස් කන්ටේනර් සිය ගණනක් ගෙනවිත් ප්‍රතිඅපනය කිරීම් හරහා ඇමති මංගප අයථා මුදල් ඉපයූ බව ද උන්වහන්සේ චෝදනා කළහ.

එතනෝල් කන්ටේනර හයක් කිසිදු බද්දක් නොගෙවා වරායෙන් නිදහස් කරගත් බවද උවන් වහන්සේ කීහ.

මංගල සමරවීර ඇමැතිවරයා විසින් මෙසේ වංචනික ලෙස උපයන ලද මුදල ඩොලර් කෝටි 600ට වඩා වැඩි බවත් කී උන්වහන්සේ තමන් අද පහර දුන්නේ සිල්ලර කාසි වලින් පමණක් බවත් ඉදරියේදී 1000, 5000 කොලවලින් පහර දෙන බවද සදහන් කළහ.