චින සිගරට් ලංකාවට ගෙන ආවොත් කිසි විටෙකත් එවැනි රජයක තමාට හෝ ජනාධිපතිවරයාට සිටිය නොහැකි බව සෞඛ්‍ය අමාත්‍ය රාජිත සේනාරත්න මහතා පවසයි.

අද(01) උදෑසන කොළඹ සුගතදාස ක්‍රිඩාංගනයේ පැවැත්වෙන ජාතික මත්ද්‍රව්‍ය නිවාරණ සතියේ අවසන් දින මහා සමුළුව අමතමින් අමාත්‍යවරයා මෙම අදහස් පළ කළේය.

අද බස්නාහිර පළාතේ මත්ද්‍රව්‍ය නිවාරණ වැඩපිළිවෙල එළි දැක්වීමේ වැඩසටහනක පැමිණීමට තමාට ආරාධනා කිරීම ගැන ජනාධිපතිවරයාට ස්තූති වන්ත වන බව ද පැවසු අමාත්‍යවරයා, 2015 ජනවාරි මස 8 වන දා රටේ ඇති කල වෙනස තුළින් මෙම වැඩ සටහන ආරම්භ කල බව ද පැවසීය.

අතීතයේ දී සෞඛ්‍ය අමාත්‍යවරයා ලෙස වත්මන් ජනාධිපතිවරයා මෙම වැඩ සටහන ආරම්භ කරමින් දුම්කොළවලට විරුද්ධව නොයෙක් විදි විධාන ගෙනා බවත් ඒ අනුව 80% ක රූපමය අවවාදය ගෙන ඒමට හැකි වු බව ද රාජිත සේනාරත්න මහතා කියා සිටියේය.

කෙසේ වෙතත් හෙට(02) දිනයේ දී මේ ගැන කැබිනට් මණ්ඩලයේ දී කථා කිරිමට තමා සුදානම් බවද පැවසු අමාත්‍යවරයා, දරුවන් මත් උවඳුරෙන් බේරා ගන්න ජනපති විසින් සිදු කරන මෙම ක්‍රියාවලියට සම්පූර්ණ ශක්තිය ලබා දෙන බව ද කියා සිටියේය.