තේ අලෙවිය ප්‍රවර්ධනය කිරීමට ceylon තේ ගෝලීය සංවර්ධන වැඩ වැඩසටහන යටතේ 2015 සිට 2018 සඳහා ලක්ෂ 348 ක මුදලක් වෙන් කර ඇතත් ඉන් කිසිදු වර්ධනයක් සිදුව නොමැති බව වාර්තා වේ.

2015 නොවැම්බර් 6 වැනිදා ශ්‍රී ලංකා තේ මණ්ඩලය අදාල කාර්යය සඳහා පෞද්ගලික සමාගමක් සමඟ ගිවිසුමකට එළඹ රුපියල් ලක්ෂ 1953ක පමණ මුදලක් ලබාදී ඇත.

මේ සඳහා මාධ්‍ය කටයුතු වලට ආයතනයක් තෝරා ගැනීමට නොහැකි වීම නිසා අපේක්ෂිත කාර්යය සම්පූර්ණ කර ගැනීමට නොහැකි වී තිබේ.

රූපවාහිනී දැන්වීමක් 2016 අප්‍රේල් මාසය වන විට සකස් කර අවසන් කර ඇතත් 2018-08-31වනදා වනවිටත් දැන්වීම ප්‍රචාරයවී නොතිබුණු බව පැවසේ.

මේ ප්‍රචාරණ කටයුතු සම්පූර්ණයෙන්ම විදෙස් රටවල් වෙත දී යන අතර ඉන් අත්වන ප්‍රතිලාභ මැනීමට හෝ ක්‍රමවේදයක් තේ මණ්ඩලය සතුව නැති බව පැවසේ.