පාස්කු ඉරිදා ත්‍රස්ත ප්‍රහාරය සම්බන්ධයෙන් වන පරීක්ෂණ, ඉතිහාසයේ ඇතැම් සිද්ධීන්වල පරීක්ෂණ මෙන් ප්‍රතිඵල රහිත වනු ඇතැයි තමන් තුළ සැකයක් පවතින බව අගරදගුරු මැල්කම් රංජිත් කාදිනල් තුමා පවසයි.

අක්මීමන, තල්ගස්යාය ප්‍රදේශයේ පැවති වැඩසටහනකට එක්වෙමින් කාදිනල් තුමා මේ බව කියා සිටියේය.

“මේ ප්‍රහාරය එකපාරටම ඇතිවු දෙයක් නෙවෙයි වසර ගණනාවක් ඉදලා සුදානම් වෙච්ච කරගෙනගිය වැඩපිළිවෙළක ප්‍රථිපලයක් හැටියට තමයි මම දැක්කේ. මේ වැඩපිළිවෙළ ලංකාවේ වැඩපිළිවෙළක්ද පිටරට දි සංවිධානය වු වැඩපිළිවෙළක්ද කියලා අපට කියන්න අමාරුයි. තාම ඒ වාර්තාවල් ලැබිලා නැහැ නේ පරික්ෂණ ඉවරවෙලා නැහැනේ. ඒ පරක්ෂනවලටත් මතබෙද මතුවෙලා තියෙනවා. සමහරවිට ඔය පරික්ෂන හරියට කෙරෙවිද කියලා දන්නෙත් නැහැ. ලංකාවේ පසුගිය වසර පනහ හතලිහ ඇතුලත මේක හැමදාම සිදුවු දෙයක්. ප්‍රහාරවලින් ඉතාම උසස් ගනයේ පුද්ගලයින් මරණයට පත්වුනා. ප්‍රේමදාස මහත්තයා බොම්බයකින් මරණයට පත්වුනා රන්ජන් විජේරත්න මහත්තයා මරණයට පත්වුනා සුප්‍රසිද්ධ නළුවෙක් වු විජය කුමාරතුංග මහත්තයා වෙඩිතියලා මරලා දැම්මා.මේ එකම මරණයකටවත් හරියාකාරව විමර්ශනයක් කරලා පිටිපස්සේ හිටියේ කවුද කියලා සෙව්වේ නැහැ කොටින්ම කියනවානම් ලංකාවේ සිදුවු මහා භිෂණය 1970,71, 88,89 ඒ භිෂණ පිටුපස හිටියේ කවුද කාවද මැරුවේ කියලා කිසිකෙනෙක් හොයලා බැලුවේ නැහැ. අපේ රටේ තරුණයන් තරුණියන් මේ භිෂණවලින් මරණයට පත්වුනා. පාරේ තැනිත් තැන මිනි දමලා තිබුනා. ටයර් සැයවල් තිබුනා. මේවා පිටුපස්සේ හිටියේ කවුදා කියලා කවදාවත් සෙව්වේ නැහැ මේක අපේ රටේ සංස්කෘතියේ කොටසක් වෙලා මිනි මරණවා මුකුත් කරන්නේ නැහැ. සමාවෙන්න මේවා කිව්වාට මට ටිකක් සැකයක් එනවා මෙවාත් ඔහොමද වේවිද කියලා. මිනිසුන් තුන්සියගානක් මැරුනා මේ අයගේ ජිවිත වලට වගකියන්නේ කවුද? මිනිසුන් දහස් ගණනක් මේ ලංකාවේදි මියගියා.”යැයි ද මැල්කම් රංජිත් ප්‍රසාදින් වහන්සේ පැවසුහ.