ඩී.ජී.අයි  නාලක සිල්වා මහතා පසුගියදා පාර්ලිමේන්තු තේරීම් කාරක සභාව ඉදිරියේ පෙනී සිටිමින් පවසන ලද බොරු සියල්ල අතේ පත්තු වී ඇති බව මේ වන විට මාධ්‍ය වලින් අනාවරණය වී ඇත.

ඒ පිළිබඳ ලංකා ලීඩ් නිව්ස් රණවිරුවන් වෙනුවෙන් නිතර පෙනී සිටින ජයන්ත සමරවීර මන්ත්‍රීවරයාගෙන් විමසන ලදී.

මේ ඔහුගේ වචන –
‘‘හමුදා ඔත්තු සේවා යටතේ තමයි ඉස්ලාම් මූලධර්මවාදීන් පිළිබඳ තොරතුරු රැස් කිරීම බාර දීලා තිබුණේ ඔවුන් වුන් ඒ වැඩේ හරියට කළා නමුත් විශේෂයෙන්ම ගිරිතලේ හමුදා කඳවුරේ ඔත්තු සේවා නිලධාරීන් අත්අඩංගුවට ගෙන එම කඳවුරේ හරහා ව්‍යාප්ත වූ නැගෙනහිර පළාත් ඔත්තු සේවා ක්‍රියාකාරකම් සම්පූර්ණයෙන්ම බිඳ වැටුණා.

මේ තත්ත්වය 2015 සිට ආපු තත්ත්වයක්. මෙසේ හමුදා ඔත්තු සේවා තමයි නාලක රැල්ලට වැඩ බාර දුන්නේ. ඔහු යටතේ ඉස්ලාම් අන්තවාදීන් පිළිබඳ තොරතුරු රැස් කිරීමේ වගකීම පවරා තිබූ නිලධාරියාව ඔහු විසින් මාරු කළා. ඒක කළේ  දේශපාලන බලපෑම්වලට. එම නිලධාරියා අල්ලන්න නියෝගයක් ලබාගන්නේ දෙදහස් 2018 මුල. නමුත් නාලක සිල්වා ඒක කරන්න දුන්නේ නැහැ. දැන් පට්ටපල් බොරු කියනවා ඔක්තෝම්බර් මාසෙදි ඔහු අත්අඩංගුවට ගත් නිසා සහරාන් අල්ලන්න බැරි වුණා කියලා.