අධ්‍යාපන සේවකයින්ගේ සමුපකාර සමිතිය සදහා පැවති නිලවරණයෙන් ශ්‍රී ලංකා පොදුජන පෙරමුණ නියෝජනය කරන ලද කණ්ඩායම ජය ලබා ඇත.

වසර 12 ක කාලයක් ජනතා විමුක්ති පෙරමුණේ ලංකා ගුරු සේවා සංගමය විසින් ජයග්‍රෙහණය කළ සමිතියට වෙනත් කිසිදු පාර්ශවයක් තරග කළේ නැති නමුත් මෙවර ශ්‍රී ලංකා පොදුජන පෙරමුණ තරඟ වැදුණි.

ඊයේ (8) පැවති නිලවරණයේදී ආසන 371න් 189 ශ්‍රී ලංකා පොදුජන පෙරමුණට අයත් පොදුජන ගුරු සංගමය විසින් දිනගෙන ඇත. කෙසේවෙතත් ජ.වි.පෙ. පවසන්නේ සමස්ථ මධ්‍යස්ථාන 98න් මධ්‍යස්ථාන 52ක බලය තහවුරු කර ගැනීමට ලංකා ගුරුසේවා සංගමයේ කණ්ඩායම සමත් වූ බවය. මධ්‍යස්ථාන 36ක බලය පොහොට්ටු පක්ෂය නියෝජනය කළ පොදුජන ගුරු සංගමයත් මධ්‍යස්ථාන 10ක බලය ස්වාධීන කණ්ඩායම්වලටත් හිමිවිය.

බස්නාහිර, සබරගමුව හා ඌව පළාත් හැර අනෙක් පළාත් හයේම බලය ලංකා ගුරු සේවා සංගමය දිනාගෙන ඇත.