බරපතළ  අපරාධ චෝදනා එල්ල වූ  පුද්ගලයකු තමාගේ රැකියාවෙන් ඉල්ලා අස් වූ පමණින් අපරාධයෙන් නිදහස් විමට නොහැකි බව රියර් අද්මිරාල් සරත් වීරසේකර මහතා පවසයි.

මාධ්‍ය වෙත අදහස් දක්වමින් ඔහු වැඩිදුරටත් පවසා සිටියේ ”බරපතළ අපරාධ චෝදනා එල්ල වූ පුද්ගලයකු තමාගේ රැකියාවෙන් ඉල්ලා අස් වූ පමණින් අපරාධයෙන් නිදහස් වෙන් බෑ. වගකිය යුතු රටේ නායකයන්ට අපරාධකරුවන්ට ඉල්ලා අස්වීමට ඉඩ සලස්වා ඇග බේරා ගෙන ඉන්න බෑ”

වැඩිදුරටත් අදහස් දක්වමින් සරත් වීරසේකර මහතා ආණ්ඩුවෙන් බල කරමින් ඉල්ලා සිටින්නේ අසාද් සාලි , එම්.එල්.ඒ.එම් හිස්බුල්ලා,රිෂාඩ් බදියුදීන් සහ මුජිබර් රහුමාන් යන හතරදෙනා වහාම අත්අඩංගුවට ගෙන ප්‍රශ්න කළ යුතු බවය.

අපරාධකරුවන් නිදැල්ලේ සිටින විට ඔවුන්ගේ ගෝලයන් එම අපරාධ නොකඩවා කරගෙන යන බවත්, රජය කෙරෙහි මහජනතාවගේ ඇති විශ්වාසය ගිලිහී යන බවද අවධාරණය කර සිටියේය.