“….පැවසූ එහිමි මෙහි අතුකපා ඵලක් නොමැති බවත් මුල නසා දැමිය යුතු බවත් අවධාරණය කළේය…”
නැහැ. මේක මුල සින්දත් ආයේ අතු කෑල්ලකිනුත් ඇති වෙන්න පුළුවන් පිළිලයක්. ඒ නිසා මුල්, අතු ඔක්කොම හිදින්න ඕන.

ඥානසාර හිමි තවත් වේලාවකදී කිව්වා “ඔය කඩු අල්ලලා වැඩක් නෑ ” කියල. හොදයි වැඩේ කඩු ඔය තියන තැන්වලම තියෙන්න ඇරියොත්!

ඒ එක්කම අපි ඥානසාර හිමියන්ට කියන්න කැමතියි බුදුහාමුදුරුවොයි බුදු බණයි මේ කතා වලට සම්බන්ද කරගන්න එපා කියලා.
“හිරු” චැනල් එකේදී තමන් මේ කරන දේ වලට බුදු බණ අනුව අවසර තියනවා කියලා කොලයක් බලාගෙන මොන මොනවාද වගයක් කිව්වා. ඒක ඉතාම වැරදි ප්‍රකාශයක්. බුදුහාමුදුරුවො දේශනා කරලා තියෙන්නේ යම් කෙනෙකු ගඟකින් එතර වුනාට පස්සේ ඔරුව කරේ තියන් යන්නේ නැතුව වගේ බුදු බණත් මනස පිරිසිදු කරගැනීමට යොදා ගත්තට පස්සේ එය කරේ තියා නොගන්නා ලෙසයි. එහෙනම් බුදු දහම රකින්න කියාවත් අපිට එම දහමෙන් බැහැර දේ කරන්න බෑ.
තමන් ගැන තියන credibility එක නැතිකර ගන්න එක බොරුවක් කිව්වත් ඇති. ඥානසාර හාමුදුරුවෝ තවත් තැනකදී “සම්මා දිට්ටිය” කියන “බෝම්බෙ ” ගහන්න ඕන කිව්වා. මේ වගේ වචන සිවුරක් දාගෙන ඉන්න හාමුදුරු කෙනෙක් කිව්වම ඒක අන්තවාදීන් බුදුහාමුදුරුවො මිනීමස් වැලදුවා කියපු කතාවට වඩා වෙනසක් නෑ. තවත් හාමුදුරුවරු මේ අන්තවාදී ප්‍රශ්න ගැන කතා කලත් මෙහෙම දේවල් කියන්නේ නෑ. අන්තවාදීන් ගැන ෆයිල් ටිකක් හදාගෙන තිබුන පලියට එල් ටී ටි ය පරාජය කල හමුදා බුද්දි අංශ වලටත් වඩා මොළේ තියනවා වගේ ඥානසාර හිමි කතා කරන්නේ ඇයි?