මෙවැනි ත‍්‍රස්ත ප‍්‍රහාර සිදුවන්නේ ශී‍්‍ර ලංකා රජය සුළු ජාතීන්ගේ අයිතිවාසිකම් පිළිබඳ සොයා නොබලන නිසා යැයි දෙමළ ජාතික සන්ධානයේ පාර්ලිමේන්තු මන්තී‍්‍ර සුමන්තිරන් මහතා කර ඇති ප‍්‍රකාශය ඉතා බරපතළ හා තවත් ගැටුම් උග‍්‍ර කරවන ආකාරයේ ප‍්‍රකාශයක් බවත් එහෙයින් ඔහුට එරෙහිව නීති මගින් කටයුතු කිරීමට ඒකාබද්ධ විපක්‍ෂය තීරණය කළ බවත් මහජන එක්සත් පෙරමුණ නායක දිනේෂ් ගුණවර්ධන මහතා ඊයේ (2 වැනිදා) සඳහන් කළේය.

මේ වනවිට ඊට අදාළ කටයුතු සිදුකරන බව කී හෙතෙම මෙම දේශද්‍රෝහී ප‍්‍රකාශය තරයේ ප‍්‍රතික්‍ෂේප කරන බවද කීවේය.

ප‍්‍රහාරයන් එල්ල කළ ත‍්‍රස්තයන් හා ඔවුන්ගේ ස්වාමීන් එහි වගකීම සහ අරමුණු කියා තිබියදී සුමන්තිරන් මහතා එවැනි ප‍්‍රකාශයක් කිරීම තවත් භයානක ආරම්භයක පෙරනිමිති බව පැවසූ දිනේෂ් ගුණවර්ධන මහතා එවැනි පුද්ගලයකු මේ වනවිට විපක්‍ෂනායක කාර්යාලයේ නොසිටීම ජාතියේ වාසනාවක් බවත් කීවේය.

මහජන එක්සත් පෙරමුණේ නායක දිනේෂ් ගුණවර්ධන මහතා ඊයේ (2 වැනිදා) එම අදහස් පළ කළේ කොළඹ 07 පදනම් ආයතනයේ පැවැති මාධ්‍ය හමුවකදීය.