කල්මුණේ සයින්දමර්දු ප්‍රදේශයේ සිදුවූ පිපිරීමෙන් මියගිය 15 දෙනා අතරින් 6 දෙනෙකු මරාගෙන මැරෙන බෝම්බකරුවන් යැයි සැක කෙරෙන බව පොලිස් මාධ්‍ය ප්‍රකාශක රුවන් ගුණසේකර මහතා පවසයි.

ආරක්ෂක අංශ නිලධාරීන් සෝදිසි මෙහෙයුම සඳහා අදාළ නිවසට ඇතුළු වීමට උත්සාහ කළ අවස්ථාවේදී දෙමටගොඩ බෝම්බ ප්‍රහාරය සිදුවූ ආකාරයෙන්ම සැකකරුවන් සිය පවුල්ම සමඟින් බෝම්බ පුපුරුවා ගන්නට ඇතැයි සැක කරන බවයි පොලිස් මාධ්‍ය ප්‍රකාශකවරයා සඳහන් කළේ.

පිපිරීම සිදුවූ ස්ථානයේ තිබී පිරිමි මළ සිරුරු 6ක් කාන්තා මළ සිරුරු 3ක් සහ ළමයින්ගේ මළ සිරුරු 6ක් අද (27) උදෑසන වනවිට හමුව තිබිණි.